Túristi hefur frá árinu 2009 flutt fréttir af ferðaþjónustu og ferðalögum en stór hluti af því efni sem birtist á síðunni er aðeins fyrir áskrifendur. Félagsmönnum í Leiðsögn býðst nú áskrift með helmingsafslætti (1.325 kr. á mánuði í stað 2.650 kr.).

Þeir sem vilja nýta sér þetta tilboð smella hér og búa til aðgang. Til að virkja afsláttinn þarf að smella á textann "Ertu með afsláttarkóða" en þá birtist lína þar sem þið skrifið "Guide". Þá fer verðið sjálfkrafa niður í 1.325 krónur á skráningarsíðunni.

Áskrifendur fá svo sent fréttabréf sem eru aðeins fyrir þann hóp.

P.s. Þeir félagsmenn sem eru nú þegar með áskrift á fullu verði geta sent línu á This email address is being protected from spambots. You need JavaScript enabled to view it. með beiðni um að afslátturinn verði settur inn.

Kristján Sigurjónsson

This email address is being protected from spambots. You need JavaScript enabled to view it.

+46 709140414

Námskeið á vegum ASÍ fyrir félagsmenn í Leiðsögn

haldið laugardaginn 22. október kl. 9 – 15 í húsnæði félagsins að Stórhöfða 29.

(athugið að gengið er inn í fundarsalinn á jarðhæð aftan við húsið, og þar eru líka bílastæði)

Námskeiðið er opið öllum félagsmönnum í Leiðsögn þeim að kostnaðarlausu, en einkum eru þeir sem gegna trúnaðarstörfum fyrir félagið hvattir til að mæta. Vinsamlegast tilkynnið skrifstofu félagsins um þátttöku á netfangið This email address is being protected from spambots. You need JavaScript enabled to view it.

Námskeiðið er í tveimur hlutum:

• Fyrir hádegi kl. 9:00 – 12:00 verður fjallað um starfsemi stéttarfélaga og vinnurétt.
• Eftir hádegi kl. 12.30 – 15:00 verður fjallað um kjarasamninga og hlutverk samninganefnda.

FYRIR HÁDEGI

Starfsemi stéttarfélaga

Farið er yfir uppbyggingu vinnumarkaðarins auk skipulags og hlutverka hagsmunasamtaka launafólks og launagreiðenda. Farið er yfir uppbyggingu stéttarfélaga, skipulag og hlutverk þeirra, hlutverk hagsmunasamtaka launafólks og atvinnurekenda, gildi kjarasamninga og hagræn áhrif þeirra.

Vinnuréttur

Megináhersla er lögð á uppbyggingu og helstu þætti íslenskrar vinnulöggjafar eins og kjarasamninga og lög sem fjalla um réttindi og skyldur á vinnumarkaði. Þá verður farið í ákvæði kjarasamninga og laga sem styrkja kjarasamning með áherslu á ráðningarsamninga, laun og launagreiðslur, orlofsrétt, veikindarétt, fæðingarorlof, hópuppsagnir, svo eitthvað sé nefnt. Einnig verður fjallað um ákveðnar grundvallarreglur, svo sem samningsrétt stéttarfélaga, verkfallsrétt, verkbannsrétt, réttarvernd trúnaðarmanna o.fl.

Farið verður yfir muninn á verktakavinnu og vinnu launamanns í ráðningarsambandi.

Markmið:

• Þekkja meginreglur íslenskrar vinnulöggjafar og skilja helstu ákvæði laga sem varða réttindi og skyldur launafólks og launagreiðenda.
• Geta miðlað upplýsingum um réttindi og skyldur á vinnumarkaði.
• Átta sig á hvernig stéttarfélög standa að úrlausn ágreiningsmála.

EFTIR HÁDEGI

Hlutverk samninganefnda

Fjallað verður um vinnudeilur og formlegt ferli við gerð kjarasamninga, tegundir samninga á vinnumarkaði, viðræðuáætlanir, tilhögun atkvæðagreiðslu þeirra og boðun verkfalla. Fjallað um gildi kjarasamninga, áhrif friðarskyldunnar og samningsrof, um heimildir og umboð samninganefnda. Einnig heimildir og umboð samninganefnda og hlutverk, heimildir og stöðu og ríkissáttasemjara.

Markmið

• Að þátttakendur þekki ferli samningaviðræðna og hlutverk og umboð samninganefnda og ríkissáttasemjara.

Félagsmönnum Leiðsagnar býðst 20% afsláttur af tveimur námskeiðum á haustmisseri hjá Endurmenntun HÍ. Um er að ræða námskeið í öllum námskeiðsflokkum að undanskildum námskeiðum með erlendum sérfræðingum og námskeiðum sem tilheyra lengra námi. Skráning fer fram á heimasíðu Endurmenntunar. Til að virkja afsláttinn þarf að skrá kóðann SAMSTARFEHI22 í reitinn "Athugasemdir".
Athugið að við skráningu sjáið þið óbreytt námskeiðsverð. Afslátturinn kemur fram á greiðsluseðli.

Hlekkur á EHÍ : Námskeið á sértilboði samstarfsfélög (mailchi.mp)

Kæru leiðsögumenn.

Eins og flest ykkar vita eru kjarasamningar okkar lausir í nóvember. Þetta verkefni sem nú er framundan er mikilvægasta verkefni stéttarfélagsins. Þess vegna viljum við heyra í öllum leiðsögumönnum og halda opinn félagsfund miðvikudaginn 14.09.2022,  kl. 17-20 á Stórhöfða 29 um samningana.

Stjórn Leiðsagnar vill nýta fundinn til að fá fram skoðanir sem flestra leiðsögumanna á því hvað beri að leggja áherslu á í fyrirliggjandi samningum og ábendingar um hvað leiðsögumönnum finnst helst ábótavant í núverandi samningum og hvað þurfi fyrst og fremst að bæta.

Við tökum það skýrt fram að við erum ÖLL sammála um að laun leiðsögumanna eru alltof lág, þar af leiðandi verður launaliðurinn ekki til umræðu á þessum fundi.

Kv.

Snorri Steinn, formaður kjaranefndar.

In English

Dear members of Leiðsögn Union.

 Negotiations for a new collective agreement between Leiðsögn union and SA and SAF are now underways. This is by far the most important task of the union. Therefore, Leiðsögn would like to get the opinion of all its members. Leiðsögn would like to know what major issues should be emphasized in the forthcoming negotiations and what important issues are missing in the collective agreement now in force.

 Leiðsögn union is therefore calling for a open meeting, Wednesday, September. 14th, 17:00-20:00 at Stórhöfði 29, 110 Reykjavík.

 We ALL agree that the wages are too low and need to be raised. Thus, wage issues will not be on the agenda at this meeting.

Regards.

Snorri Steinn, chairman of Leiðsögn‘s Renumeration Committee.