Leiðsögn - Félag leiðsögumanna   •   Stórhöfði 29  •   Sími/Tel:  (+354) 588 8670  •  info@touristguide.is
Skrifstofan er opin frá kl. 13 - 16 mán.-fim. Lokað á föstudögum / Opening hours Mon-Thu: 1 pm-4 pm. Fri closed.

Fréttir

Fréttir

21
 Mars

Skyndihjálparnámskeið 2023 / First-aid courses 2023

Skyndihjálparnámskeið Leiðsagnar í samvinnu við Rauða krossinn

First-aid courses organized by Leiðsögn Union and the Icelandic Red Cross

 

Skyndihjálparnámskeiðin verða alls fimm, 4 á höfuðborgarsvæðinu og 1 á Akureyri. Eitt námskeið verður á ensku. Námkeiðin eru ókeypis fyrir félagsmenn Leiðsagnar. Eftir námskeiðið geta þátttakendur sótt rafrænt skyndihjálparskírteini á heimasíðu Rauða krossins.

Dagsetningar: 18. apríl, 25. apríl, 16. maí og á Akureyri 26. apríl.

In English : May 9th, 

 

A first-aid course will be held in cooperation with the Icelandic Red Cross.

The first-aid course is free of charge for members of Leiðsögn Union. Participants can download a first-aid certificate from the Icelandic Red Cross webpage.

 

Ath! Hámark 30 þátttakendur komast á hvert námskeið.

  • Staðsetning: Salur Rauða krossins, Strandgötu 24, Hafnarfirði.
  • Tími: 18:00-22:00.

Akureyri: Kennslusalur Rauða krossins, Viðjulundi 2, Akureyri. Tími: 18:00-22:00.

In English: May 9th at Strandgötu 24, Hafnarfjörður.

In Icelandic April 18th, April 25th, May 16th, April 25th in Akureyri.

 

Krækur til skráningar á námskeiðin hafa verið sendar á félagsmenn.

20
 Mars

Leiðsögumannakvöld í Perlunni / Guide's night in Perlan

Kæru félagsmenn!

 

Perlan býður starfandi leiðsögumönnum á skemmtikvöldstund í Perlunni þann 28. mars frá kl. 20:00-22:00.

Perlan invites guides for a guide’s night March 28th between 20:00-22:00.

 

Leiðsögumenn eru beðnir að skrá sig hér / Please register here:

https://docs.google.com/forms/d/e/1FAIpQLSe_AzQjSDKHlHjDeSsrHZ_o4Mti6KVeMPQFbQ5f_Q8D3VJ4Mg/viewform?usp=sf_link

 

Góða skemmtun!

20
 Mars

Pistill frá formanni Leiðsagnar

Kæra leiðsögufólk.

Nú stefnir í sérlega líflegt sumar í ferðaþjónustunni og þar af leiðandi miklar annir hjá okkur. Ég minni því á að leiðsögumenn verða að passa vel upp á að þeim verði greitt samkvæmt þeim kjarasamningi sem nýlega var gengið frá og láta félagið vita af því er svo er ekki, í tölvupóstfangið This email address is being protected from spambots. You need JavaScript enabled to view it.. Munið að samningurinn er afturvirkur til 1. nóvember 2022. Nýi kjarasamningurinn veitir okkur þó nokkrar kjarabætur, en betur má ef duga skal og er það viðfangsefni áframhaldandi kjaraviðræðna á næstu mánuðum. Sama viðræðunefnd sem vann að skammtímasamningnum, sem nú hefur tekið gildi til 31. janúar 2024, mun vinna að kjarasamningi til lengri tíma á næstu mánuðum, en áframhaldandi umboð hennar var samþykkt á fundi Trúnaðarráðs Leiðsagnar þann 14.mars síðastliðinn.

Í næstu viku verður félagsmönnum Leiðsagnar send skoðanakönnun sem er fyrst og fremst til þess hugsuð að fá yfirsýn yfir samsetningu félagsmanna með tilliti til kyns, aldurs, menntunar, vinnuframlags, ráðningasambands og fleira slíks. Ég hvet ykkur öll til að taka þátt í könnuninni, því fleiri sem taka þátt því marktækari verða niðurstöður hennar. Slík könnun er afar mikilvæg fyrir framtíðarstarf félagsins og komandi kjaraviðræður. Við framkvæmd könnunarinnar verður alfarið fylgt persónuverndarlögum og hún verður ekki persónugreinanleg.

Endilega takið sem flest þátt í henni til að við fáum gleggri mynd af samsetningu félagsins.

Undanfarin ár hafa faglærðir leiðsögumenn sem eru skuldlausir við félagið fengið sendan lítinn límmiða til að festa á félagsskírteinið sem gjarna er síðan haft í skildinum góða til að auðkenna okkur. Í ár verður í fyrsta skipti sent skírteini með ártalinu og nafni leiðsögumanns og verða þau sent í næstu viku til faglærða leiðsögumanna sem hafa greitt  félagsgjaldið. Nánari upplýsingar veitir Ragnheiður í póstfanginu info@touristguide.

Starfsemi Leiðsagnar er með miklum blóma, fjárhagurinn traustur og mörg mikilvæg verkefni eru í vinnslu, meðal annars aukin tengslavinna innan stjórnkerfis og umhverfis ferðaþjónustunnar, vinna við raunfærnimat, menntun leiðsögumanna og alþjóðasamstarf. Nánar verður greint frá þessu á næsta aðalfundi félagsins sem verður haldinn þann 3. maí. Endilega takið daginn frá og mætið sem flest, enda er þetta í senn fagnaðarfundur okkar leiðsögumanna og sá fundur sem mótar stefnu félagsins og mannar trúnaðarstöður hverju sinni. Formleg tilkynning þess efnis verður send út bráðlega.

Kær kveðja,

Friðrik Rafnsson, formaður Leiðsagnar

15
 Mars

New webpage ASÍ on your rights at work - Ný vefsíða fyrir launafólk sem er nýtt á íslenskum vinnumarkaði

ASÍ hefur sett í loftið nýja vefsíðu  – https://labour.is/

 

The Icelandic Confederation of Labour (ASI) has issued a new webpage „Working in Iceland“. See here: https://labour.is/

You can read all about your rights at work on the new webpage!

The webpage is in 11 languages: English, Polish, Lithuanian, Latvian, Spanish, Romanian, Arabic, Ukrainian, Russian, Farsi (Persian) and Icelandic.

The page has a mobile friendly user interface.

_______________

Vefsíðan labour.is er upplýsingasíða fyrir launafólk sem er nýtt á íslenskum vinnumarkaði. Vonast er til að hún nái einngi til þeirra sem eru í hvað verstu aðstæðunum, þolendum mansals á vinnumarkaði.

Síðan er á 11 tungumálum: ensku, pólsku, litháísku, lettnesku, spænsku, rúmensku, arabísku, úkraínsku, rússnesku, farsi (persnesku) og íslensku.

Áhersla er lögð á farsímaviðmót í hönnun síðunnar.

Á síðunni má finna almennar upplýsingar um helstu réttindi á vinnumarkaði: https://labour.is/your-rights-at-work/. Þá er fólki vísað á stéttarfélagið sitt fyrir nánari upplýsingar og aðstoð.

Samhliða útgáfu vefsíðunnar kemur út bæklingur, einnig á 11 tungumálum, sem vísar fólki áfram á https://labour.is/.

09
 Mars

Aðalfundur og ráðstefna IGC í Kungälv 29. og 30.apríl 2023

Ágætu fagmenntuðu leiðsögumenn!

 

IGC (Inter Nordic Guide Club) eru samtök norrænna leiðsögumanna sem Leiðsögn hefur verið aðili að um áratuga skeið. Á þessum vettvangi skiptast norrænir leiðsögumenn á skoðunum, fræðslu og reynslu.

Aðalfundur samtakanna verður haldinn í Kungälv í Suður Svíþjóð að þessu sinni þann 29.apríl 2023.

Skráning þarf að fara fram í síðasta lagi 4.apríl nk. Við fengum aukafrest til skráningar og notum okkur það endilega. Allar frekari upplýsingar og skráning:

Sigrún R Ragnarsdóttir s: 852 2252

This email address is being protected from spambots. You need JavaScript enabled to view it.

Jórunn Rothenborg s: 696 1196

This email address is being protected from spambots. You need JavaScript enabled to view it.

Dagskrá fylgir hér og kynnisferðir sem boðið er uppá um bæði land og menningu Suður-Svíþjóðar:

 

Aðalfundur og ráðstefna IGC í Kungälv 29. og 30.apríl 2023

Aðalfundur og ráðstefna verða haldin á Hótel Fars Hatt í Kungälv í suðvestur Svíþjóð.

Skráning til 4.apríl 2023

Dagskrá

Laugardagur 29.apríl 2023

08.00-08.45 Skráning á fundinn, Hotell Fars Hatt.

09.00-10.00 Setning á Bohus fästning sem var vígð á 14.öld og hefur í gegnum aldirnar staðið af sér allar tilraunir til að hertaka staðinn. Sjáumst þar.

10.30-13.00 Aðalfundur á Hotell Fars Hatt og umræður.

13.00 Hádegisverðarhlaðborð.

14.00-17.00 Kungälv/Vestursvíþjóð séð frá norsku, dönsku og sænsku sjónarhorni. Við byrjum á miðöldum.

Kaffipása – hátíðarbakkelsi í tilefni 400 ára afmælis Gautaborgar

19.00 Kvöldverður á Hotell Fars Hatt

Sunnudagur 30.apríl 2023

8.30 Rútuferð til Marstrand með ljósmyndastoppum, til baka gegnum Kungälv til Surte og Gautaborgar með stuttri leiðsöguferð í miðbæ Gautaborgar

13.00 Hádegisverður á skipinu Viking sem smíðað var í Kaupmannahöfn

14.30 Valborgarmessuhátíðarhöld í Gautaborg eða heimsókn á safn eða búðarölt!

18.00 Kvöldverður í Gautaborg fyrir þá sem vilja borða saman – (ekki innifalið)

Chalmarscortegen

Gisting á Hotell Fars Hatt því ný ævintýri bíða á mánudagsmorgun

Innifalið í Setning, Aðalfundur, tveir hádegisverðir, kaffi, einn kvöldverður. skráningargjaldi: Rútuferð, aðgangseyrir, fyrirlestrar, leiðsögn og skemmtilegur hópur Norrænna leiðsögumanna

Verð SEK 1585

Bankaupplýsingar

Bankgiro 271-9417

IBAN: SE8450000000056121009977

BIC: ESSESESS

Banki: SEB 10640 Stockholm

Upplýsingar:

Þeir sem koma með flugi til Landwetter: það er ódýra að kaupa miða í flugrútu á netinu eða á flugstöðinni en að kaupa þá í rútunni.

Í Gautaborg er farið út á Nils Ericson Terminalen (endastöð). Þaðan er hægt að taka rútu nr X4 sem ekur til Kungälv. Lestin frá Kastrup kemur líka á Nils Ericson Terminlen.

Rúta X4 fer til Kungälv, þar gildir það sama, ódýrara að kaupa miða á netinu eða á lestarstöðinni.

Þegar til Kungälv er komið er farið út á stoppistöð Fars Hatt.

Vinsamlegast látið vita ef þið hafið sérþarfir varðandi mat eða annað.

FERÐIR Í BOÐI

28.apríl Heilsdagsferð

Haldið er frá Kungälv og hringferðin hefst með því að aka með vesturströndinni. Ekið í áttina að Noregi og Stenungsund og að Tjörn þar sem er myndastopp í stórkostlegu útsýni. Haldið áfram yfir ána Orust og að Tanum, þar sem eru klettaristur sem teljast til menningararfs Svía. Ekið með ströndinni við Bullaren, Strömstad, Kosteröarna farið hjá Grebbested og Fjällbacka þar sem glæpasögudrottningin Camilla Läckberg ólst upp. Önnur fræg kona, leikkonan Ingrid Bergman eyddi gjarna sumrunum í þessu þorpi. Áfram til Kungshamn og að Nordens Ark þar sem snæddur verður góður kvöldverður áður en haldið verður aftur til Kungälv.

Innifalið: Rúta, hádegisverður, kaffi, kvöldverður, leiðsögn. Aðgangseyrir í boði hvers staðar.

VERÐ SEK 695 á mann

 

1.og 2.maí tveggja daga ferð

1.maí

Ekið frá Kungälv upp með Göta-ánni til miðaldabæjarins Lödöse og litið við á safninu þar. Síðan haldið áfram til Lilla Edet og Trollhättan þar sem skoðaðir verða skipastigar og haldið til Husaby kirkju þar sem fyrsti kristni svíakonungurinn Olaf Skötkonung lét skírast. Hér erum við líka á slóðum Arn fyrir þá sem þekkja bækur Jan Guillou um munkinn sem varð riddari og alla þá miðaldasögu sem þar er. Áfram er haldið yfir Kinnekulle á móts við Billingen og áfram í Forshemskirkju sem er eina norræna kirkjan sem helguð er hinni heilögu gröf í Jerúsalem. Svo er það Varnhem þar sem Marie ferðamálastjóri hittir hópinn og segir frá umhverfinu. Ferðin þennan daginn endar í Lundsbrunn á Hotell Lundsbrunn.

Kl. 19.00 er 2ja rétta kvöldverður á hótelinu.

2.maí

Haldið áfram áleiðis til Skara, komið við á Vastergötlandsafni og síðan er næsta stopp við Hornborgasjön þar sem trönurnar koma við á hverju ári allt að 20 þúsund fuglar. Ef heppnin er með gætum við séð einhverja. Enn fylgjum við Arn og Ceciliu og sjáum nú klausturrústirnar þar sem Cecilia eyddi 20 árum meðan hún beið eftir að Arn kæmi til baka.

Í Fallköping verður stoppað og þar tekur ostameistarinn hópinn með í ostakjallarann og upplýsir hvernig osturinn er gerður. Siðan verður haldið áleiðis til baka og vonandi gefst tími til að fara á rómaða útsýnisstaði.

Innifalið: Gisting, rúta, tveir hádegisverðir, 4x kaffi og meðlæti, aðgangseyrir, 2ja rétta kvöldverður, gisting í einsmannsherbergjum, morgunverður og leiðsögn (þú borgar mat, hótel og rútu).

Ath! við þurfum að lágmarki 30 þátttakendur f. þetta verð

Tími: mánudagur 1.maí og þriðjudagur 2.maí VERÐ SEK 1765 / á mann

 

Nánari upplýsingar

 

21
 Feb

Tungumál eru öryggistæki – þankabrot í tilefni af Alþjóðadegi leiðsögumanna

Tungumál eru öryggistæki – þankabrot í tilefni af Alþjóðadegi leiðsögumanna

Í dag fagna leiðsögumenn um heim allan deginum sínum. Alþjóðasamband leiðsögumanna hefur nefnilega fagnað degi leiðsögumanna 21. febrúar ár hvert frá árinu 1990. Tilgangurinn með þessum degi er að vekja athygli á mikilvægi leiðsögumanna um heim allan en það felst einkum í fimm meginatriðum: fræðslu, skemmtun, öryggi, náttúruvernd og neytendavernd.

Um það bil fjórir af hverjum tíu ferðamönnum sem koma hingað til lands fara í skipulagðar ferðir, allt frá dagsferðum og upp í tvær vikur. Leiðsögumenn gegna því lykilhlutverki í upplifun ferðamanna af landi og þjóð. Í starfi sínu hafa þeir ekki einungis áhrif á upplifun og öryggi ferðamannanna heldur einnig á jafnvægið á milli verndunar íslenskrar náttúru og hagnýtingar, þeir geta með framlagi sínu lagt sitt af mörkum í átt að sjálfbærri þróun atvinnugreinarinnar og aukið skilning umheimsins á sérstöðu Íslands, menningu og náttúru.

Menningarlæsi mikilvægt

Leiðsögumenn bera því mikla ábyrgð. Til að geta axlað hana þurfa þeir að vera vel menntaðir og þjálfaðir til að fást við krefjandi verkefni, stundum við erfiðar aðstæður. Veður og aðstæður í íslenskri náttúru geta eins og við vitum breyst á svipstundu og jafnvel orðið stórhættulegar. Þá ríður á að leiðsögumaðurinn sé vel þjálfaður og fagmenntaður og bregðist rétt við í samráði við bílstjóra. Reynsluleysi eða viðvaningsháttur við þær aðstæður geta orðið afdrifaríkar fyrir farþegana og ferðaþjónustufyrirtækið sem í hlut á.

Allir sem vinna í ferðaþjónustunni vita að ferðamenn sem sækja okkur heim koma víðsvegar að úr veröldinni, bakgrunnur þeirra er afar mismundandi og menningarmunur getur verið verulegur. Ég man nokkur dæmi þess að hafa verið með í einni og sömu dagsferðinni fólk af allt að tíu mismunandi þjóðernum. Það er reyndar fremur óvenjulegt, en algengt er að þjóðernin séu tvö eða þrjú. En í öllum tilfellum er mikilvægt að leiðsögumaðurinn sé vel menningarlæs og skilji að til dæmis Japani, Bandaríkjamaður, Frakki og Dani bregðast ekki eins við sömu aðstæðum. Við það bætist svo auðvitað að hver einstaklingur er einstakur. Þetta er meðal þess sem gerir starf leiðsögumannsins í senn snúið og skemmtilegt.

Góð tungumálakunnátta er öryggisatriði

Enskan er okkar annað mál og ágæt til síns brúks svo langt sem hún nær í samskiptum við marga sem hingað koma, hvort sem hún er móðurmál þeirra eða ekki.  Það er hins vegar alls ekki nóg því farþegar sem ekki eru frá hinum enskumælandi heimi hafa tilhneigingu til að ofmeta eigin enskukunnáttu, tala og skilja mismikla ensku, stundum jafnvel litla sem enga. Þá geta nauðsynlegar upplýsingar og fróðleikur farið fyrir ofan garð og neðan, hætta er á misskilningi varðandi tímasetningar og þess háttar. Því skiptir afar miklu máli að í boði séu leiðsögumenn (sjá Félagatal Leiðsagnar: touristguide.is) sem tala einnig önnur tungumál en ensku. Mér er kunnugt um að öll alvöru ferðaþjónustufyrirtæki leitast við að ráða til sín leiðsögumann sem talar móðurmál ferðamannanna, ekki einungis svo að ferðamennirnir njóti ferðarinnar betur í hvívetna heldur einnig til þess að tryggja öryggi þeirra og velferð sem allra best. Auk þess er það oft krafa erlendu ferðaskrifstofanna. Ef eitthvað kemur uppá í ferðinni (veikindi, slys, o.s.frv.) verða öll samskipti að vera skýr og fumlaus og því má sannarlega segja að góð tungumálakunnátta leiðsögumannsins sé ekki einungis spurning um þjónustustig og gæði heldur geti einnig verið lífsnauðsynleg.

Leiðsögn, drifkrafturinn í stéttinni

Leiðsögn, félag leiðsögumanna, er í senn fag- og stéttarfélag. Það var stofnað árið 1972 til að efla samtakamátt og fagmennsku innan stéttarinnar og fagnaði félagið fimmtugsafmæli á síðasta ári með glæsilegri samkomu og veglegu afmælisriti. Eins og allir vita hefur ferðaþjónustan gerbreyst á þessum fimm áratugum, vaxið úr því að vera jaðargrein yfir hásumarið upp í það að vera einn af burðarásum íslensks atvinnulífs allt árið. Hér áður fyrr var starf leiðsögumannsins gjarnan sumarvinna, en undanfarinn áratug eða lengur hefur ferðaþjónustan verið meginlifibrauð hundruða leiðsögumanna mestallt eða allt árið. Nú eru félagar í Leiðsögn hátt í þúsund og starfsemi félagsins öflug. Flestir leiðsögumenn eru faglærðir í leiðsögn og bera sérstakan skjöld á sér því til sönnunar, margir hafa auk þess háskólanám að baki og eru konur í meirihluta.

Nýverið gekk félagið frá skammtíma kjarasamningi við Samtök atvinnulífsins (SA) og Samtök aðila í ferðaþjónustu (SAF) og á næstu mánuðum verður unnið að því að leiðrétta launakjör leiðsögumanna, bæta starfskjör þeirra og færa þau til nútímahorfs.

Við leiðsögumenn, framlínufólkið í ferðaþjónustunni, hlökkum til að þróa ferðaþjónustuna í takt við nýja tíma og vinna ásamt yfirvöldum, Samtökum ferðaþjónustunnar, Ferðamálastofu og fleiri lykilaðilum í ferðaþjónustunni að framþróun og fagmennsku í þessari lykilatvinnugrein á næstu misserum og árum.

Friðrik Rafnsson, formaður Leiðsagnar-félags Leiðsögumanna

13
 Feb

Kjarasamningur milli Leiðsagnar og SA/SAF samþykktur

Kjarasamningur milli Leiðsagnar og SA/SAF samþykktur.

Atkvæðagreiðsla um skammtímasamning milli Leiðsagnar og SA/SAF hófst á miðvikudaginn í síðustu viku og stóð til miðnættis í gær, sunnudag.

Rétt til atkvæðagreiðslu um kjarasamninginn skv. lögum félagsins höfðu 307 leiðsögumenn og greiddu 62 þeirra atkvæði, eða 20,20%.

Niðurstaðan er á þann veg að já sögðu 42, eða 67,74 %, nei sögðu 19, eða 30,65%, og einn tók ekki afstöðu eða 1,61%. Niðurstaðan er því skýr. Kjarasamningurinn hefur verið samþykkur.

Viðsemjendum félagsins verður tilkynnt niðurstaðan í dag. Næstu skref eru þau að fulltrúar Leiðsagnar og SA/SAF hittast síðar í vikunni til að fara yfir og útfæra viðræðuáætlun þá sem er hluti þessa samnings, en markmið þeirrar vinnu er að fara yfir kjarasamninginn í heild og ganga frá nýjum samningi, vonandi til lengri tíma, fyrir lok janúar 2024.

Ég vil fyrir hönd félagsins þakka viðræðunefndinni mjög góða og skilvirka vinnu og vona að við fáum að leita til þeirra í þeirri vinnu sem framundan er, en einnig munum við leita til fleiri félagsmanna um að leggja hönd á þann plóg því verkefnið er ærið, leiðrétta laun, endurbæta ráðningasamband og margt fleira í starfsumhverfi leiðsögumanna.

Kær kveðja, Friðrik Rafnsson, formaður Leiðsagnar-félags leiðsögumanna

07
 Feb

NÝR KJARASAMNINGUR

English below

Leiðsögn – Félag leiðsögumanna hefur undirritað skammtímasamning við Samtök ferðaþjónustunnar og Samtök atvinnulífsins. Samningurinn gildir frá 1. nóvember 2022 til 31. janúar 2024. Félagsmenn Leiðsagnar fá að kjósa um kjarasamninginn samkvæmt lögum félagsins og mun atkvæðagreiðslu ljúka 12. febrúar næstkomandi.

Kynning á kjarasamningnum mun fara fram á morgun 08.02.2023 kl. 19:00 á ensku og kl. 20:00 á íslensku. Fundurinn verður haldinn að Stórhöfða 29, gengið inn Grafarvogsmegin. Einnig verður boðið upp á fjarfund.

Nánar verður farið út í kjarasamninginn á fundinum á morgun.

  • Kauptaxtar hækka um að lámarki 35.000 kr. frá 1.nóvember 2022 skv. nýrri launatöflu. Samningurinn felur í sér lagfæringu á launatöflunni sem gerir það að verkum að hækkun getur orðið allt að 53.075 kr. á mánuði.
  • Mánaðarlaun þeirra sem ekki eru á kauptöxtum hækka um 33.000 kr. frá 1. nóvember 2022.
  • Desemberuppbót á árinu 2023 verður 103.000 kr. miðað við fullt starf. Orlofsuppbót miðað við fullt starf verður 56.000 kr. á orlofsárinu sem hefst 1. maí 2023. Heimilt er að gera upp desember- og orlofsuppbót eftir hverja ferð skv. gr. 2.2.5. í kjarasamningi aðila og reiknast uppbæturnar þá sem kr. 95 á hverja greidda dagvinnustund á samningstímanum.
  • 5 ára starfreynslu þrepi bætt við í launatöflur.
  • Kjaratengdir liðir kjarasamningsins hækka um 5% frá 1. nóvember 2022, nema um annað hafi verið samið.

Krækja á launataxta (almenn og ökuleiðsögn):

https://www.touristguide.is/images/LAUNATAFLA_Almenn_Leidsogn_fra_1-nov_2022.pdf

https://www.touristguide.is/images/LAUNATAFLA_Okuleidsogn_fra_1-nov_2022.pdf

Krækja á kjarasamning:

https://www.touristguide.is/images/Kjarasamningur_Leidsogn_SA_SAF_LOKASKJAL.pdf

in English

Leiðsögn Union has signed a short term Collective Agreement with SA and SAF. The Collective Agreement is valid from November 1st 2022 to January 31st 2024. Union members will be offered to vote on Collective agreement. The voting will be online and open until February 12th

We will go into more details on the contract on the meeting.

  • Pay increase in the wage table of at least 35.000 kr. from 1st of November 2022 according to the new wage table. The contract includes changes on the wage table that can lead to a wage increase up to 53.075 kr. per month.
  • On 1 November 2022 monthly pay increases by about ISK 33,000 for those working above the wage table.
  • The December bonus for each calendar year based on full-time work is: In 2023 ISK 103,000 The holiday pay bonus for each holiday pay year (1 May to 30 April) based on full-time work is: For holiday pay year commencing 1 May 2023, ISK 56,000. It is allowed to pay the december and holiday bonus after each trip according to chapter 2.2.5. in the collective agrement, and is calculated as 95 kr. on every hour of day time work during the contract.
  • 5 year experience has been added to the wage table.
  • Items related to terms of employment increase by about 5.0% from 1 November 2022, unless otherwise agreed.

Link to the new wage table (guide and driver-guide):

https://www.touristguide.is/images/LAUNATAFLA_Almenn_Leidsogn_fra_1-nov_2022.pdf

https://www.touristguide.is/images/LAUNATAFLA_Okuleidsogn_fra_1-nov_2022.pdf

25
 Jan

Opnunartími skrifstofu 25. jan. - 3. feb. / Office opening hours Jan. 25th - Feb. 3rd

Skrifstofa Leiðsagnar er lokuð frá 26. janúar til og með 3. febrúar. Svarað er í síma 891 8670 á opnunartíma 13-15. Skrifstofan opnar aftur mánudaginn 6. febrúar. Ef erindið er mikilvægt, er hægt að senda tölvupóst á netfangið This email address is being protected from spambots. You need JavaScript enabled to view it. eða vegna kjaramála á This email address is being protected from spambots. You need JavaScript enabled to view it.. Einnig er hægt að hafa samband við formann Leiðsagnar í síma 772 5559.

The office is closed from January 26th to February 3rd. However, you can call tel. 891 8670 during opening hours 13-15. The office opens again Monday, February 6th. If the matter is urgent, please send an email to the chaiman at This email address is being protected from spambots. You need JavaScript enabled to view it. or to the Renumeration Committee at This email address is being protected from spambots. You need JavaScript enabled to view it.. Friðrik Rafnsson, chairman of Leiðsögn, tel.. 772 5559.

 

Leiðsögn – Stéttarfélag leiðsögumanna

Stórhöfða 29

110 Reykjavík

Sími: 588-8670

www.touristguide.is

18
 Jan

Er möl dýrmætari farmur en ferðafólk?

Þriðjudaginn 17. janúar birtist eftirfarandi grein í Fréttablaðinu eftir Friðrik Rafnsson, formann Leiðsagnar:

Rútubílstjórar er ein þeirra mikilvægu stétta sem vinna starf sitt í hljóði og yfirleitt af miklu öryggi og samviskusemi. Þeir ábyrgði á lífi og limum farþega, oft við aðstæður sem eru erfiðar og krefjandi eins og fram hefur komið í fréttum undanfarið. Ég þekki það sem leiðsögumaður að gott samstarf við bílstjórann er eitt mikilvægasta atriðið í hópferðum. Ef snurða hleypur á þann þráð og samskiptin eru stirð dögum saman milli bílstjóra og leiðsögumanns getur það bitnað á saklausum farþegunum sem hingað eru komnir til að njóta landsins okkar. Þetta er sem betur fer afar sjaldgæft. Þvert á móti er reynsla mín og langflestra leiðsögumanna sú að samstarf leiðsögumanns og bílstjóra er gott og gefandi. Þeir mynda tveggja manna þjónustuteymi, enda er markmið okkar það sama, þjóna farþegunum eins vel og við getum þannig að þeir snúi aftur til síns heima hæstánægðir og helst skælbrosandi.

Skýr verkaskipting

Rútubílstjórar eru eins og við öll afar mismundandi, allt frá þöglu týpunni sem ekki gefur mikið af sér yfir í hressu týpuna sem alltaf er í stuði og allt þar á milli. Allir (eða réttara sagt, öll, því konum fjölgar ört í hópi rútubílstóra og ökuleiðsögumanna) eiga þeir það sameiginlegt að gera sér grein fyrir þeirri ábyrgð sem felst í að aka rútum sem taka allt upp í sjötíu farþega.

Flestir leiðsögumenn eru fjöltyngdir, faglærðir sérfræðingar. Margir hafa háskólanám að baki auk bóklegs og verklegs sérnáms í leiðsögn og bera þeir sérstakan skjöld með ártali því til sönnunar. Leiðsögumenn vinna við  ýmsar tegundir leiðsagnar eða blanda þeim saman eftir þörfum og eftirspurn: almenna leiðsögn, ökuleiðsögn, gönguleiðsögn, jöklaleiðsögn o.s.frv., alls á annan tug sérsviða.

Starf okkar leiðsögumanna felst meðal annars í því að fræða erlendu farþegana okkar um land, þjóð, menningu og sögu og þar af leiðandi er hljóðneminn okkar helsta vinnutæki. Til þess er ætlast af okkur að við höfum svör við nánast öllu á reiðum höndum og við reynum eftir bestu getu að standa undir þeim væntingum. Nú á tímum upplýsingatækni koma farþegarnir vel undirbúnir hingað og vita talsvert um það sem lesa má á vefnum og í handbókum. Þess vegna finnst þeim einkar gaman að vera með íslenska leiðsögumenn og bílstjóra, heimamenn sem geta svarað spurningum um það hvernig er að vera Íslendingur og búa í þessu undarlega landi.

Fróðleiksbrunnar

Ég hef oft notið þeirrar gæfu að vera með staðkunnuga bílstjóra, menn sem eru héðan og þaðan af landinu og geta lætt að manni ýmsum misgagnlegum en skemmtilegum fróðleik sem vekur forvitni farþeganna.

Þess vegna hef ég stundum haldið því fram að góður leiðsögumaður eigi ekki einungis að kunna að segja vel og greinilega frá heldur verði hann ekki síður að kunna að hlusta. Hlusta á farþegana, bílstjórann og aðra sem geta orðið til þess að ferðin verður enn ánægjulegri en ella.

Sá leiðsögumaður sem telur sig vita allt á að finna sér eitthvað annað að gera.

Gríðarleg ábyrgð bílstjóra

Starf rútubílstjórans er mikilvægt, hann ber ábyrgð á farþegunum og farartækinu og á ekki að þurfa að hugsa um neitt annað meðan á ferðinni stendur. Þess vegna er afar vafasöm sú þróun sem því miður er farið að gæta í sívaxandi mæli. Hún er sú að senda bílstjóra í oft margra daga ferð við erfiðar aðstæður án faglærðs og vel þjálfaðs leiðsögumanns. Nýlegt dæmi. Bílstjóri var sendur í hringferð um landið án leiðsögumanns, en erlendur fylgdarmaður sem aldrei hafði áður hafði komið til landsins átti að gegna því hlutverki. Það þýddi að bílstjórinn þurfti í senn að aka og miðla hópstjóranum af þekkingu sinni jafnóðum og var í því raun orðin eins konar ökuleiðsögumaður án þess að fá greitt fyrir það sérstaklega. Ég grennslaðist fyrir um þetta mál hjá íslenska ferðaþjónustufyrirtækinu og fékk þau svör að þau vildu að sjálfsögðu helst hafa íslenskan, faglærðan leiðsögumann í öllum ferðum, en að erlendi viðskiptavinurinn teldi það óþarfa kostnað, nánast munað. Og þar sem kúnninn ræður verður þetta stundum niðurstaðan. Okkur leiðsögumönnum finnst þetta afar miður, enda bitnar það sannarlega á gæðum þjónustunnar og öryggi ferðamannanna eins og dæmin sanna.

Er möl dýrmætari en ferðafólk?

Það er gömul saga og ný að þær stéttir sem eru að sinna fólki og vinna með það þurfa stöðugt að berjast fyrir bættari kjörum.  Dæmin eru mýmörg, en hér nægir að nefna hjúkrunarfræðinga og kennara.

Dæmi: Rútubílstjóri sem hafði ekið ferðamönnum um landið þvert og endilangt um tíu ára skeið missti vinnuna þegar kóvíd skall á og ferðaþjónustan hrundi skyndilega. Hann fékk strax vinnu við að keyra vörubíl, við malarflutninga í vegagerð eða eitthvað slíkt. Hann var auðvitað feginn að fá aðra vinnu strax og var lítið að spá í launin fyrr en hann fékk útborgað. Tímakaupið var þrjátíu prósentum (30%) hærra fyrir að aka möl en farþegum. Hann var auðvitað hæstánægður með það, en þegar ferðaþjónustan hrökk aftur í gang í fyrra fór hann aftur að aka rútu, enda mun skemmtilegra að aka fólki en möl. Skilaboðin eru semsagt þessi: möl er dýrmætari farmur en fólk. Hvers lags verðmætamat er þetta eignlega?

Eitt helsta vandamálið í fyrra var skortur á leiðsögumönnum vegna þess að margir þeirra hurfu til annarra starfa vegna ótryggs ráðningarsambands og lélegra launa. Var það og er vegna þess að við erum „bara“ að þjóna fólki sem hingað er komið til að njóta landsins okkar? Þetta þarf að laga og við sem vinnum í ferðaþjónustunni verðum að vinna að því saman, öllum til heilla, farþegum sem og ferðaþjónustunni í heild.

Fridrik Rafnsson, formaður Leiðsagnar.

 

Síða 4 af 14

Nýjar fréttir

Leiðsögn

Stórhöfða 29, 110 Reykjavík
Kt. 510772-0249

 

Opið /Open

13:00 -16:00, mán.- fim.
13:00 -16:00, Mon. - Thur.

Lokað á föstudögum / Friday closed

 

Sími / Tel

+354 588 8670

 

Style Switcher
Layout Style
Predefined Colors
Background Image