Leiðsögn
Stórhöfða 29, 110 Reykjavík
Kt. 510772-0249
Opið /Open
13:00 -16:00, mán.- fim.
13:00 -16:00, Mon. - Thur.
Lokað á föstudögum / Friday closed
Sími / Tel
+354 588 8670
Leiðsögn - Félag leiðsögumanna • Stórhöfði 29 • Sími/Tel: (+354) 588 8670 • info@touristguide.is
Skrifstofan er opin frá kl. 13 - 16 mán.-fim. Lokað á föstudögum / Opening hours Mon-Thu: 1 pm-4 pm. Fri closed.
Fréttatilkynning frá Leiðsögn – stéttarfélagi leiðsögumanna
Leiðsögumenn huldufólk í íslenskri ferðaþjónustu?
Nánast engum leiðsögumanni sagt upp og fáir í hlutastarfi!!?
Reykjavík, 8.apríl 2020
Þetta hljómar eins og góðar fréttir í ástandi þar sem nánast öll ferðaþjónusta liggur niðri vegna Covid 19 en þegar betur er að gáð er reyndin önnur. Leiðsögumenn sem starfsstétt er nánast réttindalaus og má líkja stöðu þeirra við daglaunamenn hér á árum áður. Þá hafa undiboð tíðkast og í stað menntaðra leiðsögumanna fengnir til verksins erlendir hópstjórar á lægri launum. Ótrúlegt en satt, þetta voru kjörin á mesta uppgangstímabili í sögu íslenskrar ferðaþjónustu! Í dag er engin vinna í boði, réttur til atvinnuleysisbóta tvísýnn og hlutastarfaleiðin frostahillingar.
Grunnur veikrar stöðu þessarar vel menntuðu stéttar er meingallað ráðningssamband við atvinnurekendur. Flestir leiðsögumenn eru ferðaráðnir, ákveðnar klukkustundir á dag og starfa oft fyrir margar ferðaskrifstofur. Þeir hafa engan uppsagnarrétt og atvinnuöryggi er ekkert. Hægt er að fella niður ferð með allt að 24 stunda fyrirvara og situr leiðsögumaður uppi með skaðann. Leiðsögumenn starfa um kvöld og nætur, helgar, jól, páska og eru oft langdvölum burtu frá heimili sínu en við mat á starfshlutfalli hafa ferðaskrifstofur farið sína leiðina hver. Niðurstaðan er sú að afar fáir leiðsögumenn ná fullum atvinnuleysisrétti og munu sitja uppi með skertar atvinnuleysisbætur langt undir lágmarksframfærslu viðmiðum út árið því ekki er líklegt að margir ferðamenn slæðist hingað á næstunni.
Talsverður fjöldi sk.ferðaráðinna“ leiðsögumanna hefur þó starfað lengi hjá sama fyrirtæki og uppfyllir skilyrði laga nr. 19/2003 um tímabundna ráðningu starfsmanna að hafa starfað hjá sama fyrirtæki í tvö ár eða lengur samfellt með eðlilegum hléum. Þessir leiðsögumenn eiga lögum samkvæmt sama rétt á launuðum uppsagnarfresti og þar af leiðandi einnig rétt á samningi um skert starfshlutfall og hlutabætur. Í 4.gr. þessara laga segir „Starfsmaður með tímabundna ráðningu skal hvorki njóta hlutfallslega lakari starfskjara né sæta lakari meðferð en sambærilegur starfmaður með ótímabunda ráðningu að þeirri áðstæðu einni að hann er ráðinn tímabundið nema það sé réttlætanlegt á grundvelli hlutlægra ástæðna.”
Fá fyriræki hafa virt þennan rétt leiðsögumanna og þeir sem fengið hafa hlutabætur eru nær eingöngu ökuleiðsögumenn, í flestum tilfellum karlmenn.
Staða leiðsögumanna er því grafalvarleg, tekjutapið algjört, fyrirsjáanlegt atvinnuleysi um langa hríð og skertar eða litlar bætur þrátt fyrir að þetta fólk hafi borgað sína skatta og skyldur í sameiginlega sjóði landsmanna.
Nánari upplýsingar:
1. Pétur Gauti Valgeirsson, formaður Leiðsagnar stéttarfélags leiðsögumanna, gsm: 8619617
2. Sigríður Guðmundsdóttir, í stjórn Leiðsagnar, gsm: 891 9917
3. Svanbjörg H. Einardsdóttir, í stjórn Leiðsagnar, gsm: 895 6388
Fylgigögn: 1. Punkar um stöðuna 2. Umsögn um breytingar á lögum um atvinnuleysistryggingar þskj. 1128 – 664 3. Bréf til fyrirtækja með leiðsögumenn í starfi 4. Launatafla leiðsögumanna
Gott viðtal við Pétur Gauta, formann Leiðsagnar, þar sem hann ræðir hina grafalvarlega stöðu sem nær allir leiðsögumenn eru nú i á þessum fordæmalausu tímum.
Af aflögufærum fyrirtækjum
Misjafnt hafast fyrirtækin að þessa dagana og misjöfn er staða þeirra. Brim ákveður að greiða út 1800 milljónir í arð á sama tíma og Nettó veitir starfsfólki sínu kaupauka. Verslunarfólk eins og fleiri er undir gríðarlegu álagi og það reynist mörgum erfitt að mæta í vinnuna þessa dagana vegna sýkingarhættu. Brim er eitt þeirra fyrirtækja sem er talið þjóðhagslega mikilvægt og starfar þess vegna á undanþágu frá samkomubanninu. Starfsfólk þar leggur sig því í meiri hættu en aðrir þar sem fólk er að umgangast fleiri í vinnunni en heilbrigðisyfirvöld telja almennt skynsamlegt. Að virða það við starfsfólk væri nærtækara en huga að arðgreiðslum á þessum tímum.
Að þrýsta á um flatar lækkanir mótframlags í lífeyrissjóð eða frystingu launahækkana fyrir allan vinnumarkaðinn er með miklum ólíkindum. Sum fyrirtæki þurfa vissulega stuðning á meðan önnur eru sannanlega aflögufær. Við þurfum nú að anda rólega og vera þess fullviss að þau úrræði sem þegar hefur verið gripið til nýtist fyrirtækjum og launafólki með sanngjörnum hætti.
Á fundi sínum í dag samþykkti miðstjórn ASÍ áskorun til stjórnvalda að tryggja afkomu viðkvæmra hópa sem núverandi úrræði vegna Covid-19 grípa ekki. Þetta er fólk sem þarf að fara í sóttkví vegna undirliggjandi sjúkdóma, barnshafandi konur og fólk sem verður tekjulaust vegna samkomubannsins. ASÍ hefur áður vakið athygli stöðu þessara hópa. Nú þurfa stjórnvöld að bregðast hratt og örugglega við.
Farið vel með ykkur og góða helgi,
Drífa
Ráðningarréttindi leiðsögumanna
Leiðsögn – stéttarfélag leiðsögumanna - hefur fengið upplýsingar þess efnis að leiðsögumönnum með ótímabundna ráðningu hafi verið sagt upp störfum án þess að hafa verið boðið hlutastarf skv. nýsamþykktum lögum. Hvetur Leiðsögn þá til að gæta réttar síns í þessum efnum og fara þess á leit við vinnuveitanda sinn að fá ráðningu í hlutastarf með þeim réttindum sem hún veitir.
Þá hefur leiðsögumönnum sem starfað hafa samfellt árum saman hjá sama aðila skv. svokallaðri ferðaráðningu verið sagt upp störfum eða áður áætluð verkefni þeirra felld niður án þess að þeir njóti uppsagnarréttar og uppsagnarfrests. Með þessu eru þeir ekki aðeins sviptir launum en einnig útilokaðir frá því að geta notið hlutastarfsbóta skv. ný samþykktum lögum.
Leiðsögn telur að um þessi störf gildi lög nr. 19/2003 um tímabundna ráðningu starfsmanna að því er varðar þá sem uppfylla skilyrði laganna. Í 4.gr. þessara laga segir „Starfsmaður með tímabundna ráðningu skal hvorki njóta hlutfallslega lakari starfskjara né sæta lakari meðferð en sambærilegur starfmaður með ótímabunda ráðningu að þeirri áðstæðu einni að hann er ráðinn tímabundið nema það sé réttlætanlegt á grundvelli hlutlægra ástæðna.”
Fjöldi „ferðaráðinna” leiðsögumanna uppfyllir þau skilyrði sem lögin setja þ.e. að hafa starfað hjá sama fyrirtæki í tvö ár eða lengur samfellt með eðlilegum hléum. Þessir leiðsögumenn eiga lögum samkvæmt sama rétt á launuðum uppsagnarfresti og þeir fastráðnir eru og þar af leiðandi einnig rétt á samningi um skert starfshlutfall og hlutabætur. Vanræksla á því að ganga formlega frá ótímabundnum samning, sbr. 5. gr. laganna getur ekki orðið til þess að skerða ótvíræðan rétt starfsmannsins skv. 4. gr. þeirra.
Leiðsögn hefur beint því til launagreiðenda leiðsögumanna að þeir láti ferðaráðna leiðsögumenn njóta þess réttar sem þeim ber samkvæmt tilvitnuðum lögum og vonar að þeir verði við þeirri ósk með því að leiðsögumaður sem uppfyllir skilyrði laganna fái annað hvort a) uppsagnarfrest á launum í samræmi við það sem gildir um fastráðna starfsmenn eða b) við hann gerður ótímabundinn samningur um hlutastarf.
Að gefnu tilefni skal bent á að óheimilt er að segja manni upp störfum og semja við hann um hlutastarf í uppsagnarfrestinum. Til þess að fá bætur frá VMST vegna minnkunar starfshlutfalls verður að vera í gildi ótímabundinn ráðningarsamningur.
Hlutastarf - þýðir hlutastarf
Atvinnurekendum er óheimilt að fara fram á meira starfshlutfall af hendi launamanns en fram kemur í samkomulagi um hlutastarf.
Láttu okkur vita ef fyrirtæki brjóta gegn þessu á This email address is being protected from spambots. You need JavaScript enabled to view it.;mailto:This email address is being protected from spambots. You need JavaScript enabled to view it.
Part-time work means part-time work
Businesses do not have the right to ask employees to work longer hours than stated in the agreement on part-time work.
If a company does not respect this, let us know by sending an email to This email address is being protected from spambots. You need JavaScript enabled to view it.
Praca na niepełny etat oznacza pracę na niepełny etat
Pracodawca nie może wymagać od pracobiorcy wykonywania pracy w większym wymiarze godzin niż przewiduje porozumienie o pracy na niepełny etat.
Jeżeli jakieś przedsiębiorstwo nie stosuje się do tego przepisu, prosimy o kontakt w tej sprawie na This email address is being protected from spambots. You need JavaScript enabled to view it.
Atvinnuleysisbætur
19. mar 2020
Til Leiðsögumanna sem hafa greitt stéttarfélagsgjöld til Leiðsagnar síðustu 12 - 36 mánuði. Að höfðu samráði við Vinnumálastofnun þá verður hægt að fara auðveldari leið. Launþeginn sækir einungis vottorð frá síðasta vinnuveitanda og fær síðan staðfestingu frá Leiðsögn vegna fyrri vinnuveitenda. Þ.e.a.s. Leiðsögn staðfestir út frá greiddum stéttar-félagsgjöldum.
20. mar 2020
Félagsfundi fagdeildar Leiðsagnar - Félags leiðsögumanna sem boðaður hafði verið þann 24. mars nk. er því miður aflýst vegna COVID-19 og þess samkomubanns sem hér hefur verið sett á. Nýr fundur verður boðaður um leið og fært verður.
Atvinnuleysisbætur
19. mar 2020
Til Leiðsögumanna sem hafa greitt stéttarfélagsgjöld til Leiðsagnar síðustu 12 - 36 mánuði. Að höfðu samráði við Vinnumálastofnun þá verður hægt að fara auðveldari leið. Launþeginn sækir einungis vottorð frá síðasta vinnuveitanda og fær síðan staðfestingu frá Leiðsögn vegna fyrri vinnuveitenda. Þ.e.a.s. Leiðsögn staðfestir út frá greiddum stéttar-félagsgjöldum.
Samkomulag um aðgerðir Ríkisstjórn Íslands, Samtök atvinnulífsins og Alþýðusamband Íslands hafa náð þríhliða samkomulagi um aðgerðir til þess að hægja á útbreiðslu COVID-19 veirunnar hér á landi með því að tryggja að einstaklingar geti fylgt fyrirmælum heilbrigðisyfirvalda um að fara í sóttkví án þess að hafa áhyggjur af afkomu sinni. Mikill fjöldi launafólks hefur að tilmælum yfirvalda farið í sóttkví sem felur það í sér að það getur ekki sótt vinnu auk þess sem öll samskipti eru takmörkuð. Slíkt felur í sér mikla röskun á högum og daglegu lífi. Miklir samfélagslegir hagsmunir eru fólgnir í því að sóttkví sé haldin og hægt á útbreiðslu veirunnar. Af þeim ástæðum verður að tryggja að það launafólk sem sætir sóttkví þurfi ekki að óttast um afkomu sína meðan á henni stendur.
Aðilar hafa því orðið ásáttir um eftirfarandi:
Samtök atvinnulífsins munu beina þeim tilmælum til atvinnurekenda að laun verði greidd til einstaklinga sem sæta sóttkví að fyrirmælum heilbrigðisyfirvalda. Alþýðusamband Íslands mun beina þeim tilmælum til aðildarsamtaka sinna að sjóðfélagar í sjúkrasjóðum þeirra sem sýkjast njóti óskertra greiðslna úr sjóðunum að tæmdum veikindarétti. Stjórnvöld munu beita sér fyrir að breytingar verði gerðar á lögum um sjúkratryggingar í þá veru að atvinnurekendi, sem greiðir launamanni sem sætt hefur eða mun sæta sóttkví laun, geti krafið sjúkratryggingar um endurgreiðslu kostnaðar að ákveðnu hámarki séu tilteknar aðstæður fyrir hendi eins og til dæmis að launamaður geti ekki sinnt vinnu heiman frá sér. Unnið verði að útfærslu á þeirri aðkomu stjórnvalda og gildistíma og stefnt verði að því að þeirri vinnu verði lokið 13. mars. Meðan á sóttkví stendur reynir ekki á veikindarétt almenns launafólks, frekar en opinberra starfsmanna, en sjúkrasjóðirnir þurfa að vera reiðubúnir til að taka við þeim sem veikjast og tæma veikindarétt sinn af þeim ástæðum. |
Vinsamlega athugið að móttaka skrifstofu Leiðsagnar er lokuð vegna ráðlegginga yfirvalda í tengslum við Covid-19 en símtölum og tölvupóstum er svarað eins og vanalega. Félagsmönnum er bent á að hringja í síma 588 8670 eða senda erindi í gegnum This email address is being protected from spambots. You need JavaScript enabled to view it. Ef erindið er áríðandi eða ekki er hægt að leysa úr því með rafrænum hætti er hægt að panta tíma hjá starfsmanni í síma 588 8670. Við biðjumst velvirðingar á þeim óþægindum sem þetta kann að valda.
Vegna Corona veirunnar er búið að fresta ráðstefnu norrænna leiðsögumanna sem átti að vera í Kaupmannahöfn 16. - 19. apríl.
Mínar síður Leiðsagnar
Leiðsögn kynnir með stolti nýja þjónustu fyrir félagsmenn. Nú geta félagsmenn farið sjálfir inn á Mínar síður og afgreitt sig sjálfir með allar umsóknir í sjúkrasjóð og endurmenntnarsjóð. Þessi þjónusta mun verða til mikillar hagræðingar fyrir alla og flýta allri meðferð umsókna í sjóði félagsins.
Leisögumenn, athugið hvort þið hafið fengið desemberuppbót greidda samkvæmt kjarasamningum. Sjá grein 2.2 í kjarasamningum 2019.
2.2. Desember- og orlofsuppbót fastráðinna 2.2.1. Desemberuppbót Desemberuppbót fyrir hvert almanaksár miðað við fullt starf starfsmanns er:
Árið 2019 kr. 92.000
Árið 2020 kr. 94.000
Árið 2021 kr. 96.000
Árið 2022 kr. 98.000
Uppbótin greiðist eigi síðar en 15. desember ár hvert, miðað við starfshlutfall, öllum starfsmönnum sem verið hafa með tímabundna eða ótímabundna ráðningu hjá atvinnurekanda í 12 vikur á síðustu 12 mánuðum eða eru í starfi fyrstu viku í desember. Fullt starf í þessu sambandi telst vinna í 45 vikur fyrir utan orlof. Heimilt er með samkomulagi við starfsmann að uppgjörstímabil sé frá 1.desember til 30.nóvember ár hvert í stað almanaksárs.
Að gefnu tilefni þá viljum við hjá Leiðsögn minna á að atvinnurekanda ber að greiða leiðsögumanni fyrir not á eigin síma samkvæmt kjarasamningi.
Í grein 4.3 segir:
4.3. Fjarskipti
Ferðaskrifstofa tryggi að leiðsögumaður hafi aðgang að síma eða fjarskiptatæki í ferðum. Heimilt er að semja um afnot af einkasíma leiðsögumanns í ferðum eftir þörfum hverju sinni.
Lokað á föstudögum / Friday closed
Þessi vefsíða notar vafrakökur, með því að heimsækja vefsíðu okkar samþykkir þú notkun á vafrakökum. Sjá nánar.