Jólabókakvöld Fræðslunefndar Leiðsagnar

Nú er komið að því að Fræðslunefnd Leiðsagnar bjóði til hins árlega jólabókakvölds félagsins þar sem tækifæri býðst til að slaka á frá hinu daglega amstri og eiga notalega stund saman. Bókakvöldið verður miðvikudaginn 7. desember kl. 19:30 í The Cinema, Geirsgötu 7b, efri hæð. (Blágrænu verbúðirnar við Gömlu höfnina) Félagið býður upp á léttar veitingar í anda aðventunnar.

Að þessu sinni verða kynntar þrjár bækur sem með einum eða öðrum hætti ættu að höfða til leiðsögumanna.

Bækurnar sem kynntar verða eru:

Keltar - höfundur Þorvaldur Friðriksson. Höfundur mun halda erindi um bók sína. Sérstaklega áhugavert efni fyrir leiðsögumenn.

Farsótt - nýútkomin bók eftir Kristínu Svövu Tómasdóttur. Merkileg saga sem leiðsögumenn langar kannski að vita meira um.

Fuglar og þjóðtrú - höfundur Sigurður Ægisson. Alltaf klassískt efni. Leiðsögumenn hafa alltaf gaman af öllu er viðkemur fuglum og þjóðtrú.

Jólabókakvöld Fræðslunefndar Leiðsagnar er fyrir alla félagsmenn Leiðsagnar – félags leiðsögumanna.

Við hlökkum til að sjá ykkur sem flest og gleðjast saman.

Kærar kveðjur!

Fræðslunefnd Leiðsagnar,

Einar Þórðarson

Guðný Margrét Emilsdóttir

Hallfríður Þórarinsdóttir

Kæru félagsmenn Leiðsagnar.

Næsti fundur Endurmenntunarsjóðs Leiðsagnar verður haldinn í desember.

Umsóknir í sjóðinn þurfa að berast skrifstofu Leiðsagnar fyrir 15. desember.

Sótt er um styrki á heimasíðu Leiðsagnar og kvittanir fyrir útlögðum kostnaði settar í viðhengi með umsókninni.

Hér er krækja á umsóknareyðublaðið: https://www.touristguide.is/index.php/umsokn-ur-endurmenntunarsjodhi 

Kvittanir fyrir útlögðum kostnaði þurfa að fylgja umsókn í viðhengi.

Styrkveiting byggir á iðgjöldum af launum greiddum í Endurmenntunarsjóð Leiðsagnar og er framlag atvinnurekenda skv. kjarasamningum (gr. 10.3).

In English

Dear members of Leiðsögn.

Next meeting of the Educational fund of Leiðsögn will be held in December. All applications have to be submitted before December 15th.

Applications are submitted here: https://www.touristguide.is/index.php/umsokn-ur-endurmenntunarsjodhi

Invoices have to be attached to the application.

Allocations are based on legal fees paid of wages to Leiðsögn by employers in accordance with the Collective Agreement (art. 10.3).

Með kveðju!

Endurmenntunarsjóður Leiðsagnar