Stjórnarkjör stendur yfir hjá Almenna lífeyrissjóðnum

Sjö í framboði

Rafrænt stjórnarkjör stendur yfir hjá Almenna lífeyrissjóðnum frá kl. 12:00 25. mars til kl. 16:00, miðvikudaginn 3. apríl 2024.

Kosið er um tvö laus sæti í aðalstjórn og eitt laust sæti í varastjórn. Að þessu sinni eru laus sæti tveggja kvenna í aðalstjórn en eins karls eða konu í varastjórn. Eingöngu sjóðfélagar geta boðið sig fram og eingöngu sjóðfélagar geta kosið á milli þeirra. Yfir 50 þúsund sjóðfélagar hafa atkvæðisrétt í kosningunum og eru þeir hvattir til að kynna sér alla frambjóðendur og nýta kosningarétt sinn.

Þrjár konur eru í framboði til aðalstjórnar:

• Arna Guðmundsdóttir
• Elva Ósk Wiium
• Heiða Óskarsdóttir

Sex eru í framboði til varastjórnar:

• Elva Ósk Wiium
• Gunnar Hörður Sæmundsson
• Hans Grétar Kristjánsson
• Heiða Óskarsdóttir
• Kristján Þórarinn Davíðsson
• Kristófer Már Maronsson

Sérstakur kosningavefur er opinn á heimasíðu Almenna lífeyrissjóðsins þar sem hægt er að kynna sér frambjóðendur til stjórnar 2024 og greiða atkvæði. Smelltu hér til að fara inn á kosningavef Almenna.

Úrslit verða kunngjörð á ársfundi sjóðsins sem fer fram á Hilton Reykjavík Nordica kl. 17:15 fimmtudaginn 4. apríl 2024. Streymt verður frá fundinum.

Almenni lífeyrissjóðurinn hvetur sjóðfélaga að nýta lýðræðislegan rétt sinn og kjósa í rafrænu stjórnarkjöri sjóðsins.