Stjórnarkjör stendur yfir hjá Almenna lífeyrissjóðnum
12 frambjóðendur um tvö sæti

Rafrænt stjórnarkjör stendur yfir hjá Almenna lífeyrissjóðnum frá kl. 12:00 22. mars til kl. 16:00, miðvikudaginn 29. mars 2023. Úrslit verða kunngjörð á ársfundi sjóðsins sem fer fram á Grand Hótel Reykjavík kl. 17:15 fimmtudaginn 30. mars 2023. Streymt verður frá fundinum.

Tólf sjóðfélagar hafa boðið sig fram í tvö laus sæti í aðalstjórn en einnig verður kosið um eitt laust sæti konu í varastjórn. Eingöngu sjóðfélagar geta boðið sig fram og eingöngu sjóðfélagar geta kosið á milli þeirra.

Sérstakur kosningavefur er opinn á heimasíðu Almenna lífeyrissjóðsins þar sem hægt er að kynna sér frambjóðendur til stjórnar 2023 og greiða atkvæði. Smelltu hér til að fara inn á kosningavef Almenna.

Almenni lífeyrissjóðurinn hvetur sjóðfélaga að nýta lýðræðislegan rétt sinn og kjósa í rafrænu stjórnarkjöri sjóðsins.