VINIR Vatnajökuls styrkja rannsóknir, kynningar- og fræðslustarf sem stuðlar að því að sem flestir geti notið náttúru og sögu Vatnajökulsþjóðgarðs.

Einstaklingar, samtök/tengslanet og bæði einkareknar og opinberar stofnanir. Umsækjendur mega búa hvort heldur er innan eða utan Íslands. 

Þegar fleiri en einn aðili standa að verkefni, er það umsjónaraðili verkefnisins sem sækir um styrkinn, ekki einstakir aðilar að verkefninu.

Um miðjan júni s.l. hófst tónleikahald í sal Söngskóla Sigurðar Demetz að Grandagarði 11. Tónleikarnir eru öll kvöld klukkan 20:30 og á þeim er kynnt sígild íslensk tónlist. Flytjendur eru ungt og efnilegt tónlistarfólk og dagskrá tónleikanna er breytileg frá degi til dags. Ungir einsöngvarar syngja perlur íslenskra einsöngslaga, karlakvartett flytur þjóðlög, ættjarðarsöngva og sálma og svo eru gestir teknir í ferðalag í gegnum íslenska tónlistarsögu  með syngjandi gítarleikara og sópran.

Undanfarin sumur hefur Landvernd skipulagt skoðunarferðir um náttúrusvæði sem rætt er um að nýta til orkuöflunar.
Í sumar mun Landvernd halda uppteknum hætti og bjóða upp á jarðfræðiferðir um jarðhitasvæði í samstarfi við Ferðafélag Íslands og Hálendisferðir.