Áframhaldandi lokun gönguleiða á Skógaheiði ofan við Fosstorfufoss

skrifað 25. feb 2019
Skógarheiði

Mikill fjöldi ferðamanna heimsækir náttúruvættið Skógafoss dag hvern og gengur stór hluti þeirra upp á Skógaheiði. Vegna umferðar gesta, hlýinda og mikilla leysinga í kjölfar langvarandi frostakafla, hefur skapast gríðarlegt álag á gönguslóða og umhverfi hans á Skógaheiði ofan Fosstorfufoss. Umrætt svæði er gamall kindaslóði, hluti af gönguleið um Fimmvörðuháls sem hefur ekki verið lagaður að auknum fjölda ferðamanna. Í ljósi stöðunnar ákvað Umhverfisstofnun að loka svæðinu frá og með 23. febrúar. Ástand svæðisins er eins og var við síðustu úttekt. Umhverfisstofnun telur ekki æskilegt að opna svæðið að svo stöddu þar sem aðstæður hafa ekki breyst.

Umhverfisstofnun telur því nauðsynlegt að gönguslóði á Skógaheiði meðfram Skógaá verði lokaður áfram til 1. júní 2019 vegna verulegrar hættu á tjóni. Ef svæðið verður í stakk búið til að taka á móti gestum án þess að hætta sé á frekari skemmdum, verði svæðið opnað fyrr.

Lokunin er annars vegar framkvæmd af öryggisástæðum í þágu gesta en hins vegar til að vernda gróður umhverfis gönguslóðann. Lokunin nær upp frá Fosstorfufossi, um 650 metra ofan við útsýnispall Skógafoss og mun standa uns bót verður á. Stefnt er að endurskoðun lokunar eigi síðar en innan tveggja vikna eða fyrr ef ástand breytist til batnaðar. Lokunin er gerð skv. 25 gr. a. laga nr. 60/2013 um náttúruvernd.

Skógaheiði closed

The Environment Agency has closed an area in Skógaheiði for nature protection. Due to thawing conditions the area has been damaged greatly by traffic and is prone to further damage. The area will be closed as of February 23rd and until the 1st of june 2019.

Entering the area is strictly forbidden. Help us to protect the nature and respect closing in nature conservation areas.