Haustferð Leiðsagnar - Örfá sæti laus

skrifað 25. júl 2019

Haustferð um norðurgosbeltið með Páli Einarssyni

2 ferðir eru í boði:

  • Miðvikud. 25. og fimmtud. 26. september = aðeins 12 sæti laus
  • Laugard. 28. og sunnud. 29. september. = uppselt

(Athugið: heildar fjöldi farþega takmarkast við 65 sæti í hvorri ferð og skráning er ekki endanlega staðfest fyrr en greitt hefur verið fyrir ferðina.)

Lausleg ferðatilhögun verður sem hér segir: Lagt verður upp frá Akureyri á miðvikudags- og laugardagsmorgni og komið við á flugvelli en síðan ekið áleiðis í Mývatnssveit þar sem skoðuð verða ýmis jarðfræðiundur við Mývatn og megineldstöðina Kröflu. Mögulega verður farið að Aldeyjarfossi á austurleið. Gist verður á Sel Hóteli við Skútustaði. Síðari daginn verður ekið að Dettifossi og í Hljóðakletta, komið við á Kópaskeri og farið um Öxarfjörð og Tjörnes aftur til Akureyrar.

Boðið verður upp á sætaferðir fyrir þá sem koma úr Reykjavík (ekki innifalið í verði). Lagt verður af stað norður kl. 13 þriðjudaginn 24. og föstudaginn 27. september og til baka frá Akureyri kl.18 á fimmtudags- og sunnudagskvöld 26. og 29. september.

(Athugið: Gert er ráð fyrir að þeir sem koma með sætaferðum að sunnan sjái sér sjálfir fyrir gistingu og fæði á Akureyri kvöldið fyrir brottför. Hægt er að fljúga norður með fyrsta flugi dagana 25. og 28. september og með seinasta flugi heim 26. og 29. september)

VERÐ:
Félagsmenn Leiðsagnar:
- 20.000 kr. gisting í tveggja manna herbergi.
Maki / gestur félagsmanns (utan félags).
- 32.000 kr. gisting í tveggja manna herbergi.

(Athugið: eingöngu eru tveggja manna herbergi í boði eins og stendur, hægt er að skrá sig á biðlista fyrir eins manns herbergi ef eitthvað skyldi losna.)

Sætaferðir fyrir félagsmenn sem koma að sunnan.
- 4.000 kr. fram og til baka.

Innifalið í verði eru rútuferðir um norðurland með leiðsögn, gistingu í Mývatnssveit, kvöldverðarhlaðborði og morgunverði.

SKRÁNING:
Til þess að skrá sig í ferðina þarf að senda tölvupóst á info@touristguide.is með eftirfarandi upplýsingum:
1) Nafn, kennitala og símanúmer viðkomandi.
2) Upplýsingar um hvora ferðina viðkomandi ætlar í og hvort hann muni nýta sér sætarferðir að sunnan.
3) Upplýsingar um herbergisfélaga sem óskað er eftir, ef einhver sérstakur.
4) Ef maki / gestur þá nafn og kennitala viðkomandi.

Greiða skal fyrir ferðina í heild sinni strax við skráningu inná reikning félagsins 0334-26-050543 kt: 510772-0249 og senda staðfestingu á greiðslu á netfangið info@touristguide.is
Athugið að skráning er ekki endanlega staðfest fyrr en greitt hefur verið.