| Innskráning Fagfélagsaðila. |
|
|
| Teljari |
|
1387180 Heimsóknir |
|
|
Skýrslur frá ráðstefnum og fundum
|
 |
 |
|
|
|
|
|
|
Skúli Möller, formaður féalgs leiðsögumanna:
Skýrsla vegna ferðar á ársfund FEG, Evrópusambands leiðsögumanna Ársfundur FEG var haldinn í Vínarborg dagana 20. og 21. nóvember s.l. Til fundarins voru mættir fulltrúar eftirtalinna landa: Króatíu, Austurríkis, Írlands, Portúgals, Danmerkur, Íslands, Frakklands, Spánar, (Kanaríeyjum), Ítalíu, Skotlands, Englands, (London), Svíþjóðar, Þýskalands, Hollands, Slóvakíu, Tékklands, Grikklands, Kýpur sem og Noregi og Lettlandi en þessi tvö lönd eru aukaaðilar. Fjarverandi voru: Tyrkland, Rússland, Finnland, Ukraína, Eistland, Malta og Búlgaría. 1. Eftir að Carlos Ortega, fermium FEG, hafði sett fund ávarpaði Ros Newland, forseti WFTGA ( World Federation of Tourist Guides Association) fundinn. Lýsti hún ánægju með gott samstarf við FEG. Heimilisfesti WFTGA er í Vínarborg en þessi samtök eru 25 ára og aðildalönd 66 þar af mörg sem líka eru í FEG. Nýjustu löndin í WF eru Brasilía og Nepal. Mikil vinna fer í að vinna að staðfestingu starfsheitis leiðsögumanna og alls staðar er sama vandamálið með hópstjóra. 2. Fundargerð aukaðalfundar í Brussel í mars var samþykkt með smá breytingum. 3. Upplýst var að næsti auka aðalfundur (EGM) verður haldinn í Amsterdam 18. - 20. mars 2011. Þann 18. verði hringborðsumræða um leiðsögumenn og virðisaukaskatt en 19. og 20. aukaaðalfundurinn. Hér kom fram að aðeins helmingur mættra hafa sent ársskýrslu. Nafnskírteini fyrir tour Guides voru í umræðu en slíkri hugmynd hafnað algjörlega, enda engin sstétt til með því nafni. Nefnt var sérstaklega ákveðin og hörð viðbrögð Stefáns Helga Valssonar gegn þessari hugmynd. Hér stakk síðan fulltrúi Slóvakíu upp á að gerð verði FEG tölvuskrá yfir faglærða leiðsögumenn sem og leitarvél. 4. Skýrsla stjórnar og skrifstofu um fundi og bréf. Form. og fyrrv. form. hafa sótt ótal fundi, mest til Brussel þar sem málefni ferðaþjónustu og leiðsögu hefur borið á góma. Hér er rétt að geta þess að störf stjórnarmanna eru ólaunuð og aðeins ritari stjórnar fær smá þóknun fyrir sína vinnu. Mörg bréf eru rituð og send til hinn ýmsu nefnda innan ESB þar sem reynt er að vinna réttindum leiðsögumanna brautargengis. Óskir komu fram um að afrit yrðu send til aðildarsambanda en það kom skýrt fram að fara yrði varlega með efni þeirra því þar gæti verið rætt um viðkvæm mál. Sérstaklega var getið bréfs til ILO (Internationanal Labou Organization) og CEN (Committee for European Narmalization) vegna þýðinga á starfsheiti leiðsögumanna (Tourist Guide á ensku og Gaestefuhrer á þýsku sem dæmi). Tom Hooper fyrrv. formaður greindi frá vinsamlegum fundi með ráðinu ( The Commission) um leiðsögu. Í umræðunni er að allir innan ferðaþjónustu eigi að fá skirteini til að bera á sér. FEG er frekar hlynnt málinu en leggur mikla áherslu á gott nám. Skírteinin yrðu gefin út af opinberri nefnd í hverju landi en spurning hvort þetta verði einfaldlega of þungt í vöfum. Fundur þessi endaði vel og sem dæmi um það eru fundamenn komnir á jólakortalista hvers annars eins og Tom Hooper orðaði það. Hann hældi Carlos Ortega sérstaklega vegna þessa fundar og gat þess að það væri eins og að það væri hlustað betur á þá sem hefðu ensku sem annað tungumál. Carlos Ortega sagði frá fundi á Spáni þar sem rætt var um mikilvægi lærðra leiðsögumanna og verkefni sem nefnist Calypso en þar er sjónum beint sérstaklega að 4 flokkum ferðalanga: eldri, yngri, fjölskyldna í vanda og fötluðum. Hvernig ferðast þetta fók ef það þá gerir það? Áhersla var lögð á að beina því á þann tíma þar sem rólegt er. Áhersla er mest á ferðir til Portúgals og Spánar. Til þess er tekið að Bretar og Þjóðverjar eru ekki með í þessu starfi en þeirra eldri borgarar ferðast hvort er eð mikið til þessara landa allan ársins hring. Þetta samstarf er að nokkru kosstað af ESB. Á fundi þessum kom skýrt fram að leiðsögumenn eru sendiherrar landa sinna og var enn og aftur lögð áhersla á nauðsyn þess að hafa lærða leiðsögumenn. 5. Farin var hringferð og fulltrúar hinna ýmsu landa greindu frá ýmsum vandamálum heimafyrir. Fjármál bar oft á góma og eiga margir aðrir en við í fjárhagserfiðleikum. Rauður þráður var annars baráttan gegn notkun ómenntaðra “leiðsögumanna”. Ennfremur kom á óvart hve staða menntaðra er veik því aðeins örfá lönd viðurkenna leiðsögumenn sem starfsstétt. Hér var og lögð áhersla á að skrifa ekki undir tölvupósta vegna vinnu því mikið “scam” er í gangi. Inni í þessa umræðu fléttaðist umræðun um “fríar ferðir”. Ársfundurinn var sammála um að mæla eindregið gegn slíkum ferðum því í raun er ekkert til sem heirir “fríar ferðir” það hangir alltaf eitthvað annað með á spýtunni. 6. Reikningar lagðir fram og samþykktir. Gengið er út frá óbreyttu árgjajldi, sem er 1400 evrur á aðildarland. Engar breytingatillögur höfðu verið sendar. Ljóst er að ekki veitir af öllum tekjum sem mögulegar eru því útlit er fyrir aðkeypta lögfræðiaðstoð á komandi ári og ekki víst að kostunaraðilar finnist eins og á liðnu ári þar sem stuðningur fékkst í Austurríki og Grikklandi. Ennfremur eru líkur á auknum kostnaði vegna ferðalaga formanns á fundi til Brussel vegna hinna ýmsu málefna er snerta leiðsögumenn. Rússland og Malta hafa ekki greitt árgjald síðustu ár og eru þess vegna ekki virkir aðilar að FEG. Eins og fram kom eru Noregur og Lettland aukaaðilar að FEG og greiða því aðeins 1/2 árgjald en hafa heldur ekki atkvæðisrétt á fundum. Nokkur umræða var um að stærri löndin ættu að borga meira gegn fleiri atkvæðum. Samþykkt var tillaga Íslands um að starfshópur fari yfir þetta mál og skili niðurstöðum á EGM í Amsterdam. Í hópinn völdust fulltrúar frá Frakklandi, Þýskalandi, Tékklandi og Íslandi. Miðað skal við að leggja fram frumtillögur í janúar og lokatillögu í byrjun mars 2011. Franski fulltrúinn, sem er og hefur verið endurskoðandi reikninga, leiði hópinn. 7. Nafnskírteini leiðsögumanna eru til umræðu innan ESB. Skilyrði fyrir að fá slíkt skírteini er fullkomin þjálfun og menntun. Skírteinið skal gefið út af opinberum aðila. Strangt eftirlit verður að vera með því að aðeins korthafi noti það. Samþykkt að FEG sendi fulltrúa á nefndarfundi. 8. Gerð var grein fyrir störfum vinnuhóps sem skipaður var á EGM í Brussel í mars s.l. til að vinna að umsögn um ýmsar lagabreytingar á reglun CEN. Lögfræðingur á vegum Viðskiptaráðsins í Vín hefur yfirfarið umsögnina og hrósaði hann hópnum fyrir afbragðs vinnu. 9. Frakklandi lagði fram tillögu um að breyta nafni FEG og bæta orðum t.d. lecturur við tourist guide. Þeir sem tóku til máls voru sammála um að varasamt væri að breyta nafninu þar sem það hefði tekið mörg ár að vinna tourist guide sess sem nafni stéttar okkar. WFTGA hafa einnig unnið að því að festa þetta nafn og hefur samband leiðsögumanna í Bandaríkjunum breytt nafni þess úr tour guides í tourist guides. Tillagan var dregin til baka. 10. Slóvakíu falið að vinna að sérstöku FEG web-portali og hvernig megi fjámagna það, t.d. með auglýsingum. Tillögum skal skilað til stjórnar fyrir 02.03.11. 11. Samþykkt að stjórnn kanni leiðir til að fá fjármagn frá ESB fyrir þjálfunarverkefni leiðsögumanna. 12. Fulltrúi Portúgals skýrði frá undirbúningi næsta ársfundar sem haldinn verður í Funchal á Madeira í nóvember 2011. Samtímis verður haldið upp á 25 ára afmæli FEG sem var stofnað 1986. Boðið verður upp á viku prógram frá 15. - 21. 11. en AGM verður ahdlinn 19. og 20. Allar upplýsingar um verð og nánari tilhögun verða sendar út í janúar n.k. 13. Kosningar. Tveir aðalfulltrúar höfðu ákveðið að gefa ekki kost sér, þau Tom Hooper Bretlandi og Annie Tissot Fraklandi, en þau hafa setið í framkvæmdatjórn FEG í hart nær tvo áratugu og unnið sambandinu ómetanlegt starf. Fimm gáfu kost á sér í sætin tvö, Þýskaland, England, Króatía, Portúgal og Svíþjóð. Þau fjögur fyrstu voru með meðmæli frá stjónum landa sinna. Fulltrúi Svía taldi sig geta aflað meðmæla og var henni leyft að vera í kjöri. Kosningar fóru þannig að sem aðalfulltrúar voru kosnir fulltrúar Englands (sem reyndar eru sænsk en hefur búið lengi í Englandi) og Þýskalands en til vara fulltrúar Króatíu og Portúgal. Einnig voru kosnir endurskoðendur og voru fulltrúar Frakkalnds og Tékklands endurkjörnir. 14. Önnur mál. Fulltrúai Bretlands þakkaði þeim Tom og Annie fyrir óeigingjörn störf fyrir FEG og voru þeim færð smekkleg austurrísk veggþrykk sem allir fulltúrar skrifuðu nöfn sín á. Var þeim þakkað með dynjandi lófataki. Fulltrúi Íslands minntist á bréf sem sambandinu var sent í janúar s.l. þar sem bornar voru fram spurningar um aðstæður og menntun leiðsögumanna í aðildarlöndunum. Ekkert svar hefur borist. Tom Hooper lagði áherslu á að okkur yrði svarað því þetta væri mikilvægt í baráttu okkar fyrir löggilldingu starfsheitisns. Megum við eiga von á svörum í desember. Fulltrúi Króatíu bauð til aðalársfundar (AGM) sem haldinn verður í November 2012 og var það þakkað með Logarakis. Fyrr á fundinum var útdeilt bókamerki sem AGM í Porto 2009 hafiz samþykkt að láta gera en það er ætlað til að auglýsa faglærða leiðsögumenn í aðildarlndunum. Leitað var tilboða í prentun í löndum stjórnarmanna og kom hagstæðasta boðið frá Grikklandi upp á 1000 evrur fyrir prentun á 80000 stk. þ.e. 4000 stk. á land, en myndir og logo hversl lands eru á merkinu, hjá okkur annars vegar frá Bláa Lóninu og hins vegar falleg Gullfoss mynd, Flytja þurrfti merkin til Vinar og kostaði það 550 evrur. Hvert land borgaði 40 evrur í flutningskostnað. Þá var eftir að koma merkjunum á loka áfanagastað og var það lagt í hendur fulltúra. Ekki var um annað að ræða en að setja í ferða- og skjalatösku en þungi var nálægt 12 kg. Sem betur fer var ferðataska mín ekki vigtuð við brottför frá Vín. Hægt er að nálgast bókamerki á skrifstofu félagsins til eigin nota og dreifingar. Í umræðum um stöðu leiðsögumanna komu fram frá nokkrum áhyggjur vegna fyrirtækis sem er skammstafað ECS en það keppir að því að ná undir sig afgreiðslu skemmtiferðaskipa í Evrópulöndum og hefur þegar náð fótfestu í Noregi, Danmörku og Þýskalandi. Í Noregi er það t.d. komið með umboð fyrir Costa skipafélagið, sem er með nokkrar viðkomur hér á landi. Eins og önnur fyrirtæki ætlar þetta að hafa sem mestan hagnað og það gera þeir með því að skera niður kostnað og það bitnar á faglærðum leiðsögumönnum því í stað þeirra er ráðið fólk af götunni. Við þurfum að hafa af þessu áhyggjur því það er aðdrei að vita hvenær þeir reyna að koma sér inn á skipamóttökumarkaðinn hér á landi. Í hádegishléi að sunnudeginum kom forseti WFTGA, Ros Newlnd, að máli við mig og lýsti áhuga á að Ísland yrði aftur aðili að heimssambandinu. Aftur kváði ég, enda “ungur” leiðsögumaður. Jú Ísland hafði verið með frá byrjun 1986 ef ekki eitt af stofnlöndunum. Hafði síðar hætt að greiða árgjald og því dottið út. Aðildargjald fyrir okkur væri nú um 300 evrur. Félag leiðsögumanna þarf að taka til umræðu hvar sé áhuga- og eftirsóknarverðast að hafa erlend samskifti. Ákvarðanir um slíkt verða einungis teknar á aðalfundi félagsins og er næsti fundr í febrúar 2011. Ég tel að við eigum að ræða þetta alvarlega því eftir för mína á FEG fundinn held ég að eftir mestu sé að slægjast hjá FEG og WFTGA. Norræna leiðsögumanna sambandið IGC er byrjað að molna því Stokkhólms Guidar og Kaupmannahfanrguiddar hafa sagt sig úr samabndinu. Gautaborgs guidar sprungu og nú eru þar tvö féög og er annað í IGC. Fundarslit fóru fram í Schönbrunnhöllinni í útjaðri Vínar en þar bauð austsurríska sambandið til nóttöku. Þar voru einnig þeir sem tóku þátt í dagsskrá sem boðið var upp í tensglum við ársfundinn. Dagskrá þessi var mjög metnaðarfull or er í því sambandi vert að vekja athygli á ársfundinum á Madeira að ári og þeirri dagsrká sem þar verður boðið upp á. Niðurlag. För mín á ársfund þennan gaf mér mikið. Þarna kynntist ég fólki sem er alla daga að hugsa um hagsmuni leiðsögumanna í Evrópu. Áhugi forystumanna FEG er ótrúlegur og leukemia þeirra aðdáunarverð. Þetta eru samtök sem við eigum tvímælalaust að sinna miklu betur og mun ég á næsta stjórnarfundi leggja fram tillögu um skipan nefndar sem hafi öll erlend samskifti FL á sinni könnu. Til hennar verði öllum erindum erlendis frá beint og þannig búinn til vettvangur fyrir miklu meiri umræðu um erlend samskifti okkar.
------------------------------------------------------------------------------------ Skúli Möller, formaður Félags leiðsögumanna:
Málþing um óskráða (svarta) vinnu í ferðaþjónustu
Starfsgreinasamband Íslands (SGS) stóða fyrir málþingi um ofangreint efni 23. og 24. sept. s.l. og var það haldið á Hótel Reynihlíð við Mývatn. Félagi leiðsögumanna bauðst að senda fulltrúa og kom það í hlut undirritaðs að fara. Málshefjendur komu úr röðum SGS og ASÍ: Kristján Gunnarsson form. SGS (KS), Sigurður Bessason form. Eflingar (SB), Halldór Grönvold aðst. Framkv.stj. ASÍ (HG) og Björn Snæbjörnsson varaform SGS (BS) Frá atvinnurekendum töluðu Sævar Skaptason framkv.stj. Ferðaþjónustu bænda, Erna Hauksdóttir framvk.stj. SAF (EH), María Guðmundsdóttir fræðslufulltrúi SAF (MG) og PéturSnæbjörnsson hótelstjóri Hótel Reynihlíð (PS). Frá opinberum aðilum töluðu Gissur Pétursson (GP) forstjóri Vinnumálastofnunar (VMST), Jóhanna Ásgrímsson fulltrúi í eftirlitsdeild RSK (JÁ) og Jóhanna Katrín Þórhallsdóttir (JKÞ) hálendisfulltrúi Vatnajökulsþjóðgarðs. Í setningarávarpi KG kom m.a. fram að vitað er um vinnuveitendur sem greiddu niður í 600 kr. á tímann í vaktavinnu. Stakk hann upp á að komið yrði á válista yfir neikvæða vinnuveitendur. SB ræddi um áhuga RSK á skattsvikum og kennitöluflakki. Sagði hann óþolandi að margir kæmust upp með að greiða ekki skatta og ætti RSK að vera á eftiir þeim. Það vita allir að mikið er um svarta atvinnustarfsemi og er áætlað að hún geti numið 8 milljörðum. Kennitöluflakk bitnar mjög á launþegum því margt er skilið eftir s.s.greiðslur í lífeyirssjóði og sjúkrasjóði. Skattayfirvöld eigi að vera samstarfsaðili launþega í að fyirrbyggja svarta vinnu. Fræðsla og forvarnir eru nauðsynlegar. Allir þurfi að snúa bökum saman því vandamálið er sameiginlegt. HG sagði að vaxandi umræða hefði verið gegn svartri vinnu frá aldamótum. ASÍ og SA hefðu byggt upp vinnumarkaðinn og ekkert mætti skemma hann og þar hefðu vinnustaðaskírteini komið fram sem uppástunga. Lagagrundvöllur hefði skapast með stöðugleikasáttmálanum frá 2009. Ákveðið var að byrja í byggingastarfsemi, mannvirkjagerð, rekstri gististaða og veitingahúsa. Flokkar í fyrirtækjaskrá RSK eru 41, 42, 43 og í ferða og veitingageira 55 og 56. Allir starfsmenn eiga að vera með eða geta sýnt vinnustaðaskírteini frá 15.08.10 sem vinnuveitandi gefur út. Á því komi fram nafn, kennitala, starf sem og mynd af viðkomandi. Ennfremur nafn vinnuveitanda, kennitala og aðsetur. Eftirlit með notkun skírteinanna er í höndum viðurkenndra eftirlitsfulltrúa frá ASÍ og SA. Eftirlitið er kostað af þeim sem tilnefna eftirlitsfulltrúana. Vanhöld á notkun skírteina skulu tilkynnt VMST og geta dagsektir numið allt að 100000 kr. Notkun nær til allra fyrirtækja og starfsmanna í áðurnefndum fyrirtækjaflokkum. Eftirlitsfulltrúar skipuleggi ferðir og eiga ekki að vera einir á ferð. Til 15.11. skulu eftirlitsfulltrúar veita upplýsingar og aðstoða fyrirtæki við að uppfylla skyldur sínar. Góð framkvæmd þessa er sameiginlegt hagsmunamál launafólks, atvinnurekanda og samfélagsins alls. JÁ gat þess að RSK rekur tekjuöflunarkerfi ríkisins með aligning skatta. RSK annast einnig grunnrannsóknir á skattsvikamálum en Skattrannsóknarstjóri fer með frekari rannsókn á svikum og öðrum refsiverðum brotum. Starfsemi skiptist í greiningarteymi (4-5), vettvangsteymi (4-5) en þyrftu að vera að lágmarki 10 og síðast endurskoðunarteymi (25-30). Aukins mannafla er ekki að vænta vegna kostnaðar þrátt fyrir að með auknum mannafla mætti ná til enn fleirri skattsvikara. SS gat um að 160 aðilar væru í samtökum ferðaþjónustubænda og hefði slík starfsemi hafist á árunum 1960 - 63. Eingöngu ábúendur á lögbýlum geta orðið félagsmenn og væru allir með gild starfsleyfi og fullgilt bókhalds- og reikningakerfi. Gat hann þess að reglulegt eftirlit væri haft með öllum félögum. Stakk hann upp á að þeim sem gerðu vel væri hampað með t.d. grænum broskarli, eins og væri gert í sambærilegum samtökum í Þýskalandi. (Hér gætu leiðsögumenn t.d. hjálpað til með góðri umsögn þar sem það ætti við. Innskot SM) EH sagði að svört vinna væri víða vandamál og hefði verið til lengi, t.d. var rætt um svarta vinnu á fyrsta stjórnarfundi SA árið 1945. Unnið væri að gæðakerfi sem og að öryggis og samkeppnismálum og yrði þetta komið í gott lag eftir 3-4 ár. Nauðsynlegt er fyrir atvinnugreinina að hafa góða imynd. Opinberir aðilar stuðla því miður að svartri vinnu með viðskiptahindrunum í formi skatta og þarf að lækka þá og einfalda. Hún taldi einnig, eins og SS, að launa þurfi fyrirtæki sem gera vel. Bæta þarf móralinn með upplýsingum og fræðslu. Eftirlit þarf að virka og hér hjálpa vinnustaðaskírteinin til og ekki má vera feimni við að beita refsingum. En auka verður áróður gegn svartri vinnu. Ennfremur að fyrirbyggja eins og hægt er allta kennitöluflakk. GP sagði að VMST hefði verið stofnuð 1997 og væru starfsmenn eru nú 150 um allt land. 2002 voru sett ný lög um atvinnustarfsemi útlendinga. 2004 með tilkomu EES voru hér 6000 útlendingar en 2008 voru þeir 18000. 2006 voru aðgangstakmarkanir afnumdar. Því miður eru of mikið af fólki á atvinnuleysisskrá í svarti vinnu og reynir VMST af koma í veg fyrir hana eins og frekast er unnt með hamlandi aðgerðum, eftirliti og sektum. Til að koma í veg fyrir svik þarf að breyta hugarfari með stórauknum áróðri og fræðslu. Í máli MG kom fram að SAF hefði ráðið fræðslufulltrúa 2006 og hefði hún æ síðan haft gott samstarf við SGS um uppbyggingu fræðslu fyrir ófaglærða í ferðaþjónustunni. Námskeið sem til eru orðin, Færni I (2007) og II (2008) veita 14 einingar í framhaldsskóla. Erfitt hafi verið að koma náminu á en nú hafa 400 manns lokið því og vinnuveitendur byrjaðir að ráða frekar fólk með Færni námið. Það sem helst hindrar fólk í að sækja nám eru námsörðugleikar og tímaskortur. Þá gat hún þess að Menntaskólinn í Kópavogi væri móðurskóli ferðaþjónustunnar. Dagur menntunar í ferðaþjónustu hefur verið haldinn tvisvar og verður næst í febrúar n.k. Einnig ræddi hún m.a. um færnikröfur í ferðaþjónustu og símenntunaráætlun í fyrirtækjum. PS ræddi um reynslu úr Mývatnssveit. Starfsemi hófst í Reynihlíð 1942 en hótel var byggt 1947 samtímis nýrri brú á Jökulsá hjá Grímsstöðum á Fjöllum. Vandamál er fyrst og fremst einangrun og svo skapa megi verðmæt störf þarf vegi og bættar samgöngur almennt því stórmaál er að fá fólk til að halda fundi úti á landi. Hinn nýi Dettifossvegur mun gjörbreyta ferðaþjónsutu við Mývatn sem nú verður eftirspurnarsegull á Norðurlandi. Tenging við flug frá útlöndum t.d. við flugvöllinn í Aðaldal er bráð nauðsynleg, því annars verður erfitt fyrir fyrirtæki fyrir norðan. Helsta gulrót fyrir starfsfólk eru hærri laun og grunnur að því er Færni námið, en nauðsynlegt er að búa til hóp fólk sem vill starfs í greininni. JKÞ sagði skipulag Vatnajökulsþjóðgarðs vera frá 2008 og væri hann 13% af heildarfalarmáli landsins (ca. 13.400 km2). Aðalmarkmið er að vernda náttúruna og skipuleggja umferð með fræðslu. Halda áfram að taka á móti fólk. Náttúran er varan okkar og tímabært að taka upp umræðu um gjaldtöku af fullri alvöru. BS tók saman helstu punkta. Hver viljum við að verði afurðin og hvert á framhaldið að vera. Auka þarf þekkingu og virðingu með virku samstarfi. Fara þarf í auglýsingaherferð. Fyrir hvítri starfsemi. Tökum vinnustaðaskírteinunum með jákvæðni. SGS mun áfram vinna að málum. Það er ljóst að VMST og RSK fá ekki fjármagn til að efla eftirlit og þannig auka tekjur hins oinbera. Gáum að græna karlinum. Aðilar sem stóða að fundinum samþykktu viljayfirlýsingu um samstarf um að vinna gegn óskráðri svartri atvinnustarfsemi í ferðaþjónustunni. Samstarfið skal miða að því að fylgja ákvæðum kjarasamninga og að leikreglur á vinnumarkaði séu virtar. Markmiðinu skal náð með markvissu vinnustaðaeftirliti, gegnsæi og miðlun upplýsinga. Vinnuveitendur og starfsfólk er hvatt til þess að virða reglur um vinnustaðaskírteini þar sem þau auðvelda m.a. gegnsæi í því sambandi að um lögmæta skráða atvinnustarfsemi sé að ræða á viðkomandi vinnustað.
(ml/stjórn) ----------------------------------------------------------------------------------------------------
Skúli Möller, formaður Félags leiðsögumanna: Ársfundur IGC, Inter-Nordic Guide Club, samband norrænna leiðsögumanna, haldinn í Kaupmannahöfn 2. okt. 2010. Ársfundur þessa árs átti að halda á Íslandi í apríl s.l. en honum var frestað vegna eldgossins í Eyjafjallajökli. Formaður FL, Skúli Möller, sótti fund þennan en hann er aðalfulltrúi Íslands í IGC. Varafulltrúi okkar er Hjalti Björnsson sem er líka í stjórn FL. Ragnheiður Björnsdóttir, fyrrverandi formaður FL sótti einnig fundinn en hún átti sæti í stjórn IGC fram að ársfundinum og greiddi sambandið för hennar. Í byrjun þakkaði formaður IGC Ragnheiði fyrir undirbúning hennar fyrir ársfundinn á Íslandi en hún hafði skipulagt allt og allt var tilbúið til móttöku fulltrúa hinna landanna þegar eldgosið hófst og ekki þótti þorandi annað en fresta fundinum því enginn vissi hvort fólk kæmist í burtu ef það þá kæmist til landsins. Í skýrslu stjórnar kom m.a. fram að það eru 3 landssambönd, í Finnlandi, Noregi og Svíþjóð. Á Íslandi, Álandseyjum og í Færeyjum er eitt félag leiðsögumanna fyrir allt landið. Í Danmörku eru 4 sjálfstæð félög, öll með aðild að IGC. Allt í allt eru 41 félag með samtals 1688 félaga. (Við gefum aðeins upp þá sem félaga sem tala norðurlandamál.) Fjárhagsleg staða er viðunandi og virðist fastheldni á fjármagn haft í fyrirrúmi. Svíar hafa í nokkur ár gegnt gjaldkerastarfi og farist það vel úr hendi. Peningar IGC, sænskar krónur, liggja því í þarlendum banka. Árgjald fyrir hvern félaga er Skr 70 og skal það greitt fyrir 1. mars ár hvert. Árgjald næsta árs var samþykkt óbreytt. IGC er með óbeina aðild að FEG, sambandi evrópskra leiðsögumanna. Öll Norðurlönd eru aðilar að FEG. Einnig hefur IGC óbeina aðild að WFTGA, alheimssambandi leiðsögumanna. Fyrrv. formaður okkar fékk styrk til að sækja ársfund FEG í Porto sl. ár. IGC heldur úti heimasíðu og er unnið að frekari stækkun hennar. Heimasíðan hefur fram að þessu verið hýst á Íslandi. Á heimasíðunni má finna tengla á mörg norræn félagasamtök. Á fundinum var samþykkt að IGC verði aðili að öllum norrænu félögunum en fram að þessu hefur IGC bara verið aðili að Norræna félaginu í Svíþjóð. Þá var líka samþykkt að reyna að hafa ársfundi á sama stað og fundur Norræna félaganna er haldinn. Af öðrum samþykktum má nefna: - að námskeið verði tengd ársfundum og verði þannig hvatning fyrir fleiri að mæta - að láta gera bækling um starfsemi IGC og afhenda hann nýjum leiðsögumönnum - að á heimasíðunni séu upplýsingar um menntun leiðsögumanna og hvernig þeir eru prófaðir - að taka til umræðu spurninguna um “gervileiðsögumenn” og koma umræðunni á pólitískan stall - að ræða enn frekar öryggi leiðsögumanna í rútum - að vinna að yfirliti yfir hvernig vinnuskilyrði eru í hinum ýmsu löndum - að efla samskiptin við FEG. Í samtölum við fundamenn kom fram að þeir eiga við sömu vandamál að stríða og við varðandi viðurkenningu starfsins, þ.e. þeir eru jafn berskjaldaðir fyrir gervileiðsögumönnum. Fram kom að leiðsögumenn á Möltu og í Portúgal hefðu komið inn í samninga við ESB að þeir skyldu einir hafa rétt til að leiðsegja erlendum ferðamönnum í löndum sínum. Hvað nám leiðsögumanna varðar þá verður ekki betur séð en að íslenskir leiðsögumenn séu mun betur menntaðir en kollegar þeirra á hinum Norðurlöndunum, ef leiðsögumenn í Kaupmannahöfn eru undanskildir, en nám þeirra er á háskólastigi því þeir nema við háskólann í Hróarskeldu og er það svipað að vöxtum og hjá okkur. Annarsstaðar virðist eingöngu um mismunandi löng námskeið að ræða og eru námskeið t.d. í Gautaborg og Álaborg um 200 tímar, en nám þetta er að vísu aðeins tegund af svæðisnámi. Það kom og fram að þar sem fáir meðal frændþjóða okkar hafa fulla vinnu af leiðsögn þá sé menntun þeirra ekki sniðin eftir nýjum Evrópustaðli um menntun leiðsögumanna. Þetta er mjög undarlegt sjónarmið því að að okkar mati á aðeins að bjóða erlendum gestum sem besta leiðsögn vel menntaðra leiðsögumanna hvort sem þeir vinna í hluta starfi eða fullu. Formaður IGC til næstu tveggja ára var kosin Gunnilla A. Jansson frá Sveaguides, Gjaldkeri er Eva Grönstedt frá Göteborg Guide klub. Varaforseti var valin Margit Sellberg frá Vaasaguideklub. Þær voru allar endurkosnar. Reglum IGC hefur verið breytt þannig að aðeins verða kosnir til forystu þeir fulltrúar sem viðkomandi land mælir sérlega með, þ.e. ekki sjálfstæð framboð. Næsti ársfundur verður haldinn í Abo (Turku) í Finnlandi 8 - 10 apríl 2011 og verða upplýsingar settar fljótlega á heimasíðu okkar. Abo verður menningarborg Evrópu 2011 og stendur mikið til þar í borg. Ársfundurinn 2012 verður einnig haldinn í Finnlandi, í borginni Haparanda. Þetta er í fyrsta sinn sem ég sæki fund hjá IGC. Að mínu mati er full ástæða til að halda þessu samstarfi áfram og ekki síst nú þegar ætlan er að auka sameiginlegt námskeiðahald. Ennfremur að við höfum kappkostað að telja okkur í bandalagi með öðrum Norðurlöndum og það er þekkt að Norðurlöndin eru sterkur hópur þegar þau standa saman á fundum með öðrum Evrópuþjóðum.
(ml/stjórn, 12.10.10) |
Skoða allar fréttir...
|
|
Hægri hlið