Erindi frá stjórn Félags leiðsögumanna hefur verið lagt fram við Almannavarnir, Iðnaðarráðuneyti, SAF og Ferðamálastofu.

Almannavarnir benda leiðsögumönnum á eftirfarandi:

- stöðuskýrslur um gosið eru gerðar daglega frá upphafi goss þar sem farið er yfir þróun gossins og þar koma nýjar upplýsingar fram um málefni á áhrifasvæði gossins

- fréttasíður um gosið bæði á íslensku og ensku

Þegar leiðsögumenn fara um öskufallssvæðið verður upplýsingamiðstöð fyrir ferðamenn í Hvoli á Hvolsvelli þar sem hægt verður að fá upplýsingar um áhrifasvæði eldgossins og upplagt að stoppa þar. Einnig er fyrirhugað að hafa  upplýsingamiðstöðvar á fleiri stöðum.

Ekki hafa komið fram rannsóknir sem sýna hver eru áhrif ösku á menn til langstíma litið, en ef þið lendið í miklu öskufalli með ferðamenn þá er gott að hafa til taks í bílunum grímur og gleraugu og vara fólk við, enda eru óþægindi sem geta fylgja þessu, sértstaklega fyrir viðkvæma.

Hægt er að fá grímur á heilsugæslustöðvum á öskufallssvæðinu. Á heimasíðunni Almannavarna eru ýmsar upplýsingar sem hægt er að nýta sér við leiðsögn og leiðsögumenn geta gert útdrátt sem þeim finnst henta fyrir sig og sína ferðamenn. Svo er bæklingur áhrif ösku á heilsu á íslensku http://www.almannavarnir.is/upload/files/Heilsutjon_Oskufall_20100420%20linkar.pdf  og ensku http://www.almannavarnir.is/upload/files/Health_Guidelines_English_WEB%281%29.pdf  og um öskufall á íslensku http://www.almannavarnir.is/upload/files/Oskufall_20100419%20tenglar1.pdf  og ensku http://www.almannavarnir.is/upload/files/Preparedness_Guidelines_English_WEB%281%29.pdf

(ml/stjórn)