29.4.2008. „Ég reikna ekki með að okkar félagsmenn komi til með að greiða atkvæði með kjarasamningi Félags leiðsögumanna við Samtök atvinnurekenda í ferðaþjónustu að óbreyttu,“ segir Árni Magnússon, formaður Félags ökuleiðsögumanna.

Á fundi stjórnar, kjaranefndar og trúnaðarráðs FL kom fram að viðsemjendur neita að endurskoða ákvæði 2.5.2 í kjarasamningi milli FL og SAF eins og ökuleiðsögumenn krefjast en þar segir: „Sé leiðsögumaður ráðinn til ökuleiðsagnar þá skal greiða 50% álag á tímakaup fyrir ökuleiðsögn í langferðarbifreiðum sem taka fleiri en 9 farþega.

Löng hefð var fyrir því að greiða ökuleiðsögumönnum 50% álag ofan á leiðsögulaunin, óháð stærð langferðabifreiðarinnar, áður en ákvæði 2.5.2 kom til í síðasta kjarasamningi.

Ökuleiðsögumenn vilja fella út ákvæðið um stærð langferðabifreiðarinnar.

Í Félagi ökuleiðsögumanna eru um 70 aðilar sem jafnframt eru fagmenntaðir leiðsögumenn og langflestir eru félagar í Félagi leiðsögumanna. Þegar kemur til atkvæðagreiðslu um samninginn munu atkvæði þeirra vega þungt.

Stefán Helgi Valsson

Skyldar fréttir:

Félag ökuleiðsögumanna fundaði með kjarasamninganefnd FL

Óforsvaranlegt ákvæði kjarasamnings um ökuleiðsögn stendur